الەۋمەتتىك جەلىلەردە ءانشى ديماش قۇدايبەرگەننىڭ قازاقستاندىقتاردى «العا قازاقستان» وپپوزيتسيالىق پارتياسىنا كىرۋگە شاقىرعانى تۋرالى اقپارات تارالىپ جاتىر. بۇل فەيك، دەپ حابارلايدى “ادىرنا” ۇلتتىق پورتالى stopfake.kz سايتىنا سىلتەپ.
بۇل جاڭالىقتىڭ دەرەككوزى – qazinform24 ساتيرالىق Instagram-اككاۋنتى.
بۇل پاراقشادا شىنايى جانە سەنىمدى اقپاراتتار جاريالانبايدى، بۇل تۋرالى ونىڭ پروفيلىندە جازىلعان. اككاۋنتتا تەك ويدان شىعارىلعان «جاڭالىقتار» عانا شىعارىلادى.
دەمەك، ءانشىنىڭ وپپوزيتسيالىق پارتيالارعا قوسىلۋعا شاقىرعانى تۋرالى اقپاراتقا سەنۋدىڭ قاجەتى جوق. بۇل وتىرىك.
”ادىرنا” ۇلتتىق پورتالى
