تالدىقورعاندا مۇعالىم مەن وقۋشى جانجالداسىپ جاتقان ۆيدەو الەۋمەتتىك جەلىدە قىزۋ تالقىلانىپ جاتىر، دەپ حابارلايدى “ادىرنا” ۇلتتىق پورتالى.
بۇل ورەسكەل وقيعا №6 ورتا مەكتەپتە ورىن العان. ۆيدەوداعى عىلشىن ءتىلى مۇعالىمى مەن سەگىزىنشى سىنىپ وقۋشىسى ەكەنى انىقتالدى.
تارالعان ۆيدەودا وقۋشى مۇعالىمىن بالاعاتتاپ جاتقانى انىق بايقالادى.
الماتى وبلىسى ءبىلىم باسقارماسىنىڭ ءباسپاسوز قىزمەتى:
"وقيعا 11 ساۋىردە بولعان. وسى وقيعادان كەيىن مەكتەپتە ادەپ جونىندەگى كەڭەس ءوتتى. وعان وقۋشىنىڭ اناسى شاقىرىلعان. كەڭەس بارىسىندا تاراپتار تاتۋلاستى، ءبىر-بىرىنە تالاپ-ارىزى جوق. مۇعالىم ءوز ەركىمەن جۇمىستان بوساتىلدى. ايتا كەتۋ كەرەك جايت، ول وتىنىشىندە 2022 جىلدىڭ اقپانىنان بەرى دەنساۋلىعى ناشارلاعانىن جازعان", - دەدى ۆەدومستۆو وكىلى.
“ادىرنا” ۇلتتىق پورتالى