مەملەكەت باسشىسى قاسىم-جومارت توقاەۆ پرەزيدەنتتىك مەرزىمىن ۇزارتپايتىنىن ايتتى، دەپ حابارلايدى «ادىرنا» ءتىلشىسى.
«مەنەن ەل ىشىندە دە، شەتەلدە دە قازىرگى مەملەكەت باسشىسى ءوزىنىڭ وكىلەتتىك مەرزىمىن رەفەرەندۋم ارقىلى ۇزارتۋعا، بىلايشا ايتقاندا، پرەزيدەنتتىك مەرزىمىن جاڭادان باستاۋعا نيەتتى مە دەپ سۇراپ جاتادى. مەنىڭ جاۋابىم: مۇنداي نيەت جوق جانە بولمايدى. ۇسىنىلعان ساياسي جاڭعىرتۋ باعدارلاماسى ءوزىنىڭ مازمۇنى بويىنشا وتە اۋقىمدى. بىراق باستى نازار ادام قۇقىقتارى مەن بوستاندىعىن قورعاۋ جۇيەسىن نىعايتۋعا، ازاماتتاردىڭ مەملەكەتتىك باسقارۋعا قاتىسۋىن كەڭەيتۋگە، مەملەكەتتىك ينستيتۋتتاردىڭ اشىقتىعى مەن تيىمدىلىگىن ارتتىرۋعا باعىتتالعان»،- دەدى ول.
