ۋكراينا پرەزيدەنتى ۆلاديمير زەلەنسكي شانگري لا ديالوگ ازيا قاۋىپسىزدىك سامميتىندە سويلەگەن كەزدە قىتاي دەلەگاتسياسى زالدان شىعىپ كەتتى، دەپ حابارلايدى «ادىرنا» ۇلتتىق پورتالى «orda.kz»-كە سىلتەمە جاساپ.
بۇل تۋرالى ازيا زەرتتەۋلەر ورتالىعىنىڭ اعا ساياسي ساراپشىسى وليۆيا ەنوس ءوزىنىڭ Twitter پاراقشاسىندا حابارلادى.
«ۆلاديمير زەلەنسكي SLD-2022-دە ءسوز سويلەدى. وسى كەزدە قىتاي دەلەگاتسياسى زالدان شىعىپ كەتتى»- دەپ جازدى ول.
ەadaily باسىلىمىنىڭ حابارلاۋىنشا، زەلەنسكي ءوزىنىڭ ينتەرنەتتەگى سويلەگەن سوزىندە ۋكراينادان استىق جەتكىزۋدىڭ توقتاتىلۋىنا بايلانىستى ازيا مەن افريكا حالقى اشتىققا ۇشىراۋى مۇمكىن ەكەنىن، بۇل ۇكىمەتتەردىڭ قۇلاۋىنا اكەلەتىنىن ايتتى.
ۋنياننىڭ ايتۋىنشا، ءبىراز ۋاقىتتان كەيىن، ياعني زەلەنسكي سويلەگەن كەزدە قىتاي دەلەگاتسياسى ءالى دە زالدان شىقپاعانى بەلگىلى بولعان. شارانىڭ تاعى ءبىر قاتىسۋشىسى ۋكراينا پرەزيدەنتى ۆلاديمير زەلەنسكي سويلەگەن كەزدە زالدان ەشكىم شىقپاعانىن ءتۇسىندىردى.
— مەن كونفەرەنتسيادا بولدىم. ەشكىم زالدان شىققان جوق، – دەدى ول.
وسىدان كەيىن وليۆيا ەنوس قىتاي دەلەگاتسياسىنىڭ دەمارشى تۋرالى حابارلاماسى بار تۆيتتەرىن ءوشىردى.
«ادىرنا» ۇلتتىق پورتالى.
