جەتىسۋ وبلىسىندا جول اپاتىنان 2 ادام كوز جۇمىپ، 8 جولاۋشى جارالاندى، دەپ حابارلايدى «ادىرنا» ءتىلشىسى.
الماتى وبلىسى پوليتسيا دەپارتامەنتىنىڭ مالىمدەۋىنشە، قايعىلى وقيعا بۇگىن اقسۋ اۋدانىنىڭ اۋماعىندا بولعان.
«Toyota Alphard كولىگىنىڭ 35 جاستاعى جۇرگىزۋشىسى الماتى - وسكەمەن تاسجولىنىڭ 336 شاقىرىمىندا رولگە يە بولا الماي، قوزعالىستىڭ قارسى باعىتىنا شىعىپ كەتىپ، Lada Priora كولىگىمەن سوقتىعىسۋعا جول بەرگەنى الدىن الا انىقتالدى. وقيعا ورنىندا جەڭىل كولىكتىڭ جۇرگىزۋشىسى مەن جولاۋشىسى قايتىس بولدى. ودان بولەك شاعىن اۆتوبۋستا وتىرعان 8 ادام ءتۇرلى جاراقاتپەن تالدىقورعان اۋرۋحاناسىنا جەتكىزىلدى»،– دەپ ءتۇسىندىردى ماماندار.
<
