پودەزدە كىشى دارەتكە وتىرعان پاۆلودارلىق ايەل جاۋاپقا تارتىلدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
16 ماۋسىمدا م.گوركي كوشەسىنىڭ تۇرعىنى پوليتسياعا قوڭىراۋ شالىپ، ۇيگە كىرىپ كەلە جاتقاندا، بەلگىسىز ايەلدىڭ ماس كۇيىندە پودەزدىڭ 3-قاباتىندا دارەت سىندىرىپ وتىرعانىن بايقاعانىن ايتتى.
كورسەتىلگەن ۇيگە كەلگەن ءتارتىپ ساقشىلارى دالادا سەندەلىپ تۇرعان ايەلدى كەزدەستىرگەن. جينالعان كورشىلەر لاستالعان پودەزد ءۇشىن شاعىمداندى.
اتالمىش قۇقىق بۇزۋشى دالادا جاي قىدىرىپ جۇرگەنىن ايتتى. بىراق پوليتسەيلەر قالا تۇرعىنىنىڭ سەرۋەنىن توقتاتىپ، ۋاقىتشا بەيىمدەۋ جانە دەتوكسيكاتسيا ورتالىعىنا جەتكىزۋگە ءماجبۇر بولدى. جول بەرىلگەن بۇزۋشىلىقتار ءۇشىن ايەل ۇساق بۇزاقىلىق جاساعانى جانە قوعامدىق ورىنعا ماس كۇيىندە كەلگەنى ءۇشىن اكىمشىلىك جاۋاپكەرشىلىككە تارتىلدى.
