شىمكەنتتەگى يچ 167\3 تۇزەۋ مەكەمەسىنىڭ باستىعى 9 جىلعا سوتتالدى. ەل «31-ايماق» اتايتىن تۇزەۋ مەكەمەسىنىڭ ەكس-باسشىسى سوتتالعانداردان پارا العانى ءۇشىن باس بوستاندىعىنان ايىرىلدى، دەپ حابارلايدى «ادىرنا» ۇلتتىق پورتالى «استانا» تەلەارناسىنا سىلتەمە جاساپ.
ءال-فارابي اۋداندىق سوتى توراعاسىنىڭ مالىمەتىنشە، جۇنىسبەكوۆ مەكەمە باسشىسى بولا تۇرا سوتتالعان التى ادامنان 4 ملن تەڭگە كولەمىندە پارا العان.
«ول اۋىزباستىرىقتى جازاسىن وتەۋشىلەردىڭ جازاسىن جەڭىل جازاعا اۋىستىرۋ، مەرزىمىنەن بۇرىن شارتتى تۇردە بوساتۋ نەمەسە ولاردى جەڭىل مەكەمەگە اۋىستىرۋ بويىنشا العان. ياعني، تەزدەتىپ قۇجاتتاردى سوتقا جىبەرىپ، جاعىمدى مىنەزدەمە بەرىپ، كومەكتەسۋى ءۇشىن سۇراعان، - دەيدى سوت توراعاسى ەركەبۇلان تولەشوۆ.
جۇنىسبەكوۆ جازاسىن قاۋىپسىزدىگى ورتاشا تۇزەۋ مەكەمەسىندە وتەيدى. ۇكىم ءالى زاڭدى كۇشىنە ەنگەن جوق.
«التى كورىنىس بويىنشا جۇنىسبەكوۆتىڭ كىناسى تولىعىمەن دالەلدەندى. الايدا ول كىناسىن مويىنداعان جوق. دەگەنمەن التى ازاماتتىڭ جاۋابى، باسقا دا كۋاگەرلەردىڭ جاۋابىمەن سوت ونىڭ كىناسى دالەلدەندى دەپ شەشىم قابىلدادى. جازا بويىنشا بۇكىل جەڭىلدەتەتىن جانە اۋىرلاتاتىن ءمان-جايلاردى ەسكەرە كەلە، سوت جۇنىسبەكوۆتى 9 جىلعا باس بوستاندىعىنان ايىرۋ جازاسىن تاعايىندادى»، - دەدى ءال-فارابي اۋداندىق سوتىنىڭ توراعاسى ەركەبۇلان تولەشوۆ.
«ادىرنا» ۇلتتىق پورتالى
