"ادىرنا" ۇلتتىق پورتالىنا پرەزيدەنت اتىنان العىس حات تابىستالدى

ەل پرەزيدەنتى قاسىم-جومارت توقاەۆ باق قىزمەتكەرلەرىن گرانتتارمەن جانە العىس حاتتارمەن ماراپاتتادى. ءتيىستى بۇيرىق اقوردا سايتىندا جاريالاندى، - دەپ حابارلايدى "ادىرنا" پورتالى.  قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى: ابيبۋللاەۆ دۋلات ورىنباسارۇلىنا – «Qazaq radiosy» راديوستانتسياسىنىڭ باس رەداكتورىنا، ۇلتتىق راديونى دامىتۋعا ۇلەس قوسقانى ءۇشىن; كوپجاسارۇلى ەرقاناتقا – «31 ارنا» تەلەراديوكومپانياسىنىڭ تىلشىسىنە، وتاندىق تەلەجۋرناليستيكانى دامىتۋعا ۇلەس قوسقانى ءۇشىن; مياگكيح وكسانا ۆياچەسلاۆوۆناعا – «يندۋستريالنايا كاراگاندا» گازەتىنىڭ باس رەداكتورىنا، قازاقستاننىڭ وڭىرلىك ساياساتىن اقپاراتتىق تۇرعىدان ءتيىمدى سۇيەمەلدەۋگە ۇلەس قوسقانى ءۇشىن; مۇحامەدجانوۆ ەركىن تاڭاتقانۇلىنا – «Qazaqstan» ۇلتتىق تەلەارناسىنىڭ ديرەكتورىنا، قازاقستان جۋرناليستيكاسىنىڭ جانە ۇلتتىق بۇقارالىق اقپارات قۇرالدارىنىڭ دامۋىنا ۇلەس قوسقانى ءۇشىن بەرىلسىن; قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارى: بايتاروۆا ءسانيا باقىتقىزىنا – «جەتىسۋ» تەلەارناسىنىڭ رەداكتورىنا، وڭىرلىك جۋرناليستيكانى دامىتۋعا ۇلەس قوسقانى ءۇشىن; بايتيباەۆ دياسكەن ۇسەنعاليۇلىنا – «Almaty» تەلەراديوكومپانياسىنىڭ ارنايى تەحنيكا وپەراتورىنا، ەلىمىزدىڭ تەلەۆيزياسىن دامىتۋعا ۇلەس قوسقانى ءۇشىن; ءبىرىمجانوۆ انۋاربەك جالەلۇلىنا – «حابار 24» تەلەارناسىنىڭ جۇرگىزۋشىسىنە، مەملەكەت باسشىسىنىڭ قىزمەتىن بەلسەندى ءارى جان-جاقتى ءتۇسىندىرىپ، جاريالاپ-كورسەتكەنى ءۇشىن; جولمۇحامەتوۆا جادىرا ەربولقىزىنا – «Baigenews.kz» اقپارات اگەنتتىگىنىڭ تىلشىسىنە، ينتەرنەت كەڭىستىگىندە اقپارات تاراتۋ ءىسىن دامىتۋعا ۇلەس قوسقانى ءۇشىن تاپسىرىلسىن; قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسى: «Adyrna» ۇلتتىق پورتالىنىڭ شىعارماشىلىق ۇجىمىنا – قازاقستاننىڭ دامۋىنىڭ وزەكتى ماسەلەلەرىن قامتىعان اقپاراتتىق-تالدامالىق قىزمەتى ءۇشىن; «Ashyq alań» قوعامدىق-ساياسي توك-شوۋىنىڭ شىعارماشىلىق ۇجىمىنا – قوعامدىق-ساياسي، الەۋمەتتىك-ەكونوميكالىق جانە مادەني-گۋمانيتارلىق سالالاردىڭ دامۋىن اقپاراتتىق تۇرعىدان قامتاماسىز ەتۋگە ۇلەس قوسقانى ءۇشىن; «Astana» راديوسىنىڭ شىعارماشىلىق ۇجىمىنا – وتاندىق راديونى دامىتۋعا ۇلەس قوسقانى ءۇشىن; «ۆەچەرنيايا استانا» قوعامدىق-ساياسي گازەتىنىڭ شىعارماشىلىق ۇجىمىنا – باسپا بۇقارالىق اقپارات قۇرالدارىن دامىتۋعا ۇلەس قوسقانى ءۇشىن جاريالانسىن.