پەتروپاۆلدا ۋاقىتشا ۇستاۋ يزولياتورىنا قامالعان كۇدىكتى سۋيتسيد جاسادى، دەپ حابارلايدى «ادىرنا» ءتىلشىسى.
پوليتسيا دەپارتامەنتىنىڭ مالىمەتىنشە، ەر ادام قاساقانا كىسى ولتىرمەك بولعان دەگەن كۇدىككە ىلىنگەن.
«11 ماۋسىمدا بەرەكە ىقشام اۋدانىندا توبەلەس بولدى. قىلمىسكەرلەر يبراەۆ كوشەسىنىڭ بويىنداعى اۋلادا قالانىڭ ءۇش تۇرعىنىن پىشاقتاپ، وقيعا ورنىنان قاشىپ كەتكەن. زارداپ شەككەن پەتروپاۆل قالاسىنىڭ 29, 32 جانە 34 جاستاعى تۇرعىندارى اۋرۋحاناعا جەتكىزىلدى. جەدەل ءىس-شارالار بارىسىندا كۇدىكتىلەر انىقتالىپ، 35 جانە 43 جاستاعى ەكى ەر ادام ۇستالدى»،– دەدى ۆەدومستۆو.
اتالعان فاكتى قر قك ء–نىڭ 24-بابى، 3-بولىگى، 99-باپتىڭ 2-بولىگى «ادام ولتىرۋگە وقتالۋ» بويىنشا سوتقا دەيىنگى تەرگەۋدىڭ بىرىڭعاي تىزىمىنە ەنگىزىلدى. الدىن الا تەرگەۋ بارىسىندا ەر ادامدار اراسىندا كافەلەردىڭ بىرىندە جانجال تۋىنداعانى بەلگىلى بولدى.
«كۇدىكتىلەردىڭ ءبىرى پەتروپاۆل قالاسىنىڭ پوليتسيا باسقارماسى ۇقك-دا بولعان كەزدە ءوز-وزىنە قول جۇمسادى. بۇل فاكت قر قىلمىستىق كودەكسىنىڭ 105-بابى ء(وزىن-ءوزى ولتىرۋگە يتەرمەلەۋ) بويىنشا سوتقا دەيىنگى تەرگەۋدىڭ بىرىڭعاي رەەسترىنە ەنگىزىلگەن»،– دەپ ءتۇسىندىردى پوليتسيا.
