بەلگىلى اقىن، جازۋشى مۇحتار شاحانوۆتىڭ 80 جاسىن تويلاۋ تۇركيادان باستالدى

8846
Adyrna.kz Telegram

قازاقستاننىڭ ەڭبەك ەرى، حالىق جازۋشىسى جانە قىرعىزستاننىڭ حالىق اقىنى مۇحتار شاحانوۆتىڭ 80 جىلدىعىن تويلاۋ تۇركيادان باستالدى. حالىقارالىق تۇركسوي ۇيىمى قر مادەنيەت جانە سپورت مينيسترلىگىمەن بىرىگىپ بىرنەشە شارا جوسپارلادى، دەپ جازادى "ادىرنا" ۇلتتىق پورتالى. 

الدىمەن تۇركسوي ۇيىمىنىڭ باس شتاب پاتەرىندە «مۇحتار شاحانوۆ-80 جاستا» اتتى حالىقارالىق عىلىمي-پراكتيكالىق كونفەرەنتسيا ءوتتى. جيىنعا تۇركسوي ۇيىمىنىڭ باس حاتشىسى سۇلتان راەۆ، تۇركيا پرەزيدەنتىنىڭ باس كەڭەسشىسى يالچىن توپچى، تۇرىك ءتىلى قاۋىمداستىعىنىڭ پرەزيدەنتى گۇرەر گۇلسەۆين، ەۋرازيا جازۋشىلار وداعىنىڭ توراعاسى ياكۋپ ومەروعلى، قازاقستاننىڭ تۇركياداعى ەلشىسى ەركەبۇلان ساپيەۆ، قىرعىزستاننىڭ تۇركياداعى ەلشىسى كۋبانىچبەك ومۋراليەۆ، ازەربايجاننىڭ تۇركياداعى ەلشىسى راشيد مەممەدوۆ جانە تۇركى الەمىنىڭ عالىمدارى قاتىستى.

بارلىعى دا مۇحتار شاحانوۆ ەڭبەگى جايلى بايانداپ، ونىڭ تۇركى الەمىندەگى ءرولى تۋرالى ەرەكشە ىقىلاسپەن ءسوز سويلەدى. شارا بارىسىندا تۇركسوي ۇيىمىنىڭ باس حاتشىسى سۇلتان راەۆ مەرەيتوي يەسىنە حالىقارالىق ۇيىمىنىڭ ەڭ جوعارى ماراپاتى – التىن مەدال تابىستادى.

تۇركيا پرەزيدەنتىنىڭ باس كەڭەسشىسى يالچىن توپچى رەدجەپ تايىپ ەردوعاننىڭ قۇتتىقتاۋىن جەتكىزىپ، ارنايى سىيلىعىن تابىستادى. مەرەكەلىك باعدارلاما انكارا قالاسىنىڭ رەسمي حەيكەل تاريحي عيماراتىندا كونتسەرتپەن جالعاسادى. تۇركىستان قالاسىنان ارنايى كەلگەن ونەر ۇجىمى مۇحتار شاحانوۆ اندەرىن قازاق، تۇرىك، قىرعىز جانە وزبەك تىلدەرىندە ورىندايدى.

"ادىرنا" ۇلتتىق پورتالى 

پىكىرلەر