ۇلتتىق دومبىرا كۇنى جانە احمەت بايتۇرسىنۇلىنىڭ 150 جىلدىق مەرەيتويى اياسىندا ارقالىق قالاسىندا 1000 دومبىراشى ءبىر مەزەتتە قازاقتىڭ تانىمال كۇيلەرىن ورىندادى. بۇل تۋرالى inform.kz حابارلادى، دەپ جازادى "ادىرنا" ۇلتتىق پورتالى.
ۇلتتىق ونەر دارىپتەلگەن شاراعا قالالىق حالىق اسپاپتار وركەسترى مەن شاھار تۇرعىندارى قاتىستى.
«وركەستر «تەپەڭكوك»، «سالكۇرەڭ» سياقتى حالىق كۇيلەرىن، قۇرمانعازىنىڭ «بالبىراۋىن»، نۇرحان احمەتبەكوۆتىڭ «جەڭىس»، نۇرعيسا تىلەنديەۆتىڭ «القيسسا» كۇيلەرىن ناقىشىنا كەلتىرە ورىندادى. وسى شاراعا دايىندىق بارىسىندا 700 ادام قولىنا العاش رەت دومبىرا ۇستاعان»، - دەپ ءمالىم ەتتى قوستاناي وبلىستىق مادەنيەت باسقارماسىنىڭ ءباسپاسوز قىزمەتى.
كۇي شەرتكەندەردىڭ ەڭ ۇلكەنى - 87 جاستاعى دومبىراشى بولسا، ەڭ كىشكەنتايى - 8 جاستاعى ونەرپاز. سونداي-اق، شارا بارىسىندا ءبىر اۋلەتتىڭ 22 مۇشەسى ونەر كورسەتتى.
"ادىرنا" ۇلتتىق پورتالى
