اقش-تىڭ قارجى مينيسترلىگى قازاقستاندى رەسەي مەن بەلارۋس ەلدەرىنە شيكىزات رەتىندە سانكتسيالانعان تاۋارلاردى تاسىمالداۋعا رۇقسات ەتىلگەن ەلدەردىڭ تىزىمىنە قوستى، دەپ حابارلايدى "ادىرنا" ۇلتتىق پورتالى.
رەسەي مەن بەلارۋس ەلدەرىنە سانكتسيالانعان تاۋارلاردى جونەلتۋدە قازاقستانمەن قاتار قىرعىزستان، گرۋزيا، ارمەنيا، برازيليا، قىتاي، ءۇندىستان، يزرايل،مەكسيكا، نيكاراگۋا، سەربيا، سينگاپۋر، وڭتۇستىك افريكا رەسپۋبليكاسى، تايۆان، تاجىكستان، تۇركيا، بىرىككەن اراب امىرلىكتەرى جانە وزبەكستان ەلدەرى جۇك تيەۋ پۋنكتتەرىنە اينالىپ، «شەكتەلگەن نەمەسە باقىلاناتىن ەكسپورت» جۇزەگە اسىرىلادى.
بۇل رەتتە تاۋارلار «زاڭدى تۇردە وسى جانە باسقا دا يۋريسديكتسيالارعا باسقا دا دايىن ءونىمدى ءوندىرۋ ءۇشىن شيكىزات رەتىندە ەكسپورتتالۋى مۇمكىن». كەيبىر جاعدايلاردا قوسىمشا اۋىستىرىپ تيەۋ پۋنكتتەرى ارقىلى دايىن ونىمدەر مەن تاۋارلاردى رەسەيگە نەمەسە بەلارۋسكە ودان ءارى ەكسپورتتاۋعا تىيىم سالىنادى.
"ەرەكشە الاڭداۋشىلىق تۋدىراتىن" تاۋارلار ساناتىنا اسكەري ماقساتتاردا پايدالانۋعا بولاتىن تەحنيكا جاتادى: ۇشاقتارعا ارنالعان قوسالقى بولشەكتەر، گيدرواكۋستيكالىق جۇيەلەر، انتەننالار، سپەكتروفوتومەترلەر، سىناق جابدىعى، GPS جۇيەلەرى، ۆاكۋمدىق سورعىلار، سونداي-اق مۇناي كاسىپشىلىگى جابدىعى.
"ادىرنا" ۇلتتىق پورتالى
