ەنە مەن كەلىن اراسىنداعى تۇسىنىكتى، ءبىر-بىرىنە دەگەن قۇرمەتتى قالىپتاستىرۋ قاجەت - شارمانوۆ

7162
Adyrna.kz Telegram

"ەنە مەن كەلىن، اكە مەن ۇلى، انا مەن بالا، كۇيەۋ مەن ايەلى اراسىنداعى تۇسىنىستىكتى، ءبىر-بىرىنە دەگەن قۇرمەتتى قالىپتاستىرۋ قاجەت". بۇل پىكىردى قازاق تاعامتانۋ اكادەمياسىنىڭ پرەزيدەنتى، مەديتسينا عىلىمدارىنىڭ دوكتورى تورەگەلدى شارمانوۆ ءوزىنىڭ فەيسبۋك پاراقشاسىندا قالدىردى، دەپ جازادى "ادىرنا" ۇلتتىق پورتالى.

"وتباسى بەرىك ەلدەردىڭ ءتۇتىنى ءتۇزۋ ۇشادى. ەنە مەن كەلىن، اكە مەن ۇلى، انا مەن بالا، كۇيەۋ مەن ايەلى اراسىنداعى تۇسىنىستىكتى، ءبىر-بىرىنە دەگەن قۇرمەتتى قالىپتاستىرۋ قاجەت. مۇنداي قۇرمەت اتا-بابا مۇراسىندا ساقتالعان. وتباسىنداعى تۇسىنىستىك، تاتۋلىق – وتانسۇيگىشتىككە، مەملەكەتشىلدىككە باستايدى. جاقسى جانۇيالار – مەملەكەت مەرەيى. قازاقتا «اكەسىن سىيلاماعان ۇلدان بەز، شەشەسىن سىيلاماعان قىز، كەلىننەن بەز» دەگەن بار. ەگەر بالاسى اكەسىن، كەلىنى ەنەسىن سىيلاماسا، ول جەردە ەشۋاقىتتا جاقسىلىق بولمايدى. بارلىق باقىت وتباسىنداعى وسىنداي قۇرمەتتەن باستالادى",- دەپ جازدى اكادەميك. 

"ادىرنا" ۇلتتىق پورتالى

پىكىرلەر