Kaspi.kz قوسىمشاسى ارقىلى جۇرگىزۋشى كۋالىگىن ونلاين اۋىستىرۋعا بولادى

20555
Adyrna.kz Telegram

ەگەر جۇرگىزۋشى كۋالىگىڭىزدىڭ مەرزىمى اياقتالۋعا جاقىن قالسا، وندا Kaspi.kz سۋپەرقوسىمشاسىندا نەبارى ءبىر ساعاتتا اۋىستىرۋعا بولادى، دەپ جازادى "ادىرنا" ۇلتتىق پورتالى. 

جاڭا سەرۆيستى Kaspi.kz قر ءىىم اكىمشىلىك پوليتسيا كوميتەتىمەن جانە اقپاراتتىق-وندىرىستىك ورتالىعىمەن بىرلەسىپ، ءىىم قارجى جانە تەحنولوگيالىق كومپانيالارمەن ىقپالداسۋدى وڭتايلاندىراتىن يننوۆاتسيالىق جۇيەسىنىڭ كومەگىمەن ازىرلەدى.

كۋالىكتى اۋىستىرۋ پروتسەسى وتە وڭاي. تۋرا قوسىمشادا سۋرەتتى جانە مەديتسينالىق انىقتامانى جۇكتەپ، مەملەكەتتىك باجدى كوميسسياسىز تولەپ، جاڭا جۇرگىزۋشى كۋالىگىن تسيفرلىق قۇجاتتاردان الۋ كەرەك. سونداي-اق جاڭا جۇرگىزۋشى كۋالىگىن الىپ كەتۋگە ىڭعايلى حقكو-نى تاڭداۋعا بولادى.

Kaspi.kz-ءتىڭ نەگىزىن قالاۋشىلاردىڭ ءبىرى ءارى باسشىسى ميحايل لومتادزە:

«ءبىزدىڭ كوماندامىز سۇيىكتى كليەنتتەرىمىزدىڭ ۋاقىتى مەن اقشاسىن ۇنەمدەيتىن جاڭا يننوۆاتسيالىق سەرۆيستەردى ىسكە قوسۋدى جالعاستىرۋدا. وتكەن جىلى اۆتوكولىكتى ونلاين قايتا تىركەۋدى ىسكە قوسقانبىز، قازىر ەلىمىزدەگى ءار ءۇشىنشى اۆتوكولىك Kaspi.kz ارقىلى ونلاين تىركەلەدى. جاقىندا اۆتوكولىكتى ونلاين كەپىلگە قويۋ نەمەسە كەپىلدەن شىعارۋ سەرۆيسىن قوسقانبىز. ەندى Kaspi.kz سۋپەرقوسىمشاسىندا جۇرگىزۋشى كۋالىگىن نەبارى ءبىر ساعاتتا اۋىستىراتىن جاڭا سەرۆيس ازىرلەندى. قازاقستاندىقتارعا ارنالعان وسىنداي كەرەمەت سەرۆيستەر كوماندامىزدىڭ، ءىىم، تسيفرلاندىرۋ مينيسترلىگىنىڭ جانە باسقا دا مەملەكەتتىك ۆەدومستۆولاردىڭ بىرلەسكەن تابىستى جۇمىسىنىڭ ارقاسىندا ىسكە قوسىلدى. قازاقستاندىقتاردىڭ ءومىرىن جاقسارتاتىن سەرۆيستەردى ازىرلەۋگە قوسقان ۇلەسى ءۇشىن ارقايسىسىڭىزعا العىس ايتامىز!» – دەدى.

«بۇل – بيزنەس پەن مەملەكەتتىڭ ىنتىماقتاستىق ورناتۋى قازاقستاندىقتاردىڭ ءومىرىن جاقسارتا تۇسكەنىنىڭ تاعى ءبىر مىسالى، - دەپ اتاپ ءوتتى ىشكى ىستەر مينيسترلىگىندە.

- ۆەدومستۆو قارجى مەكەمەلەرىمەن بىرلەسىپ، ەكىنشى دەڭگەيدەگى بانكتەردىڭ قوسىمشالارى ارقىلى ازاماتتاردى جانە اۆتوكولىكتى تىركەۋ سالاسىندا قىزمەت كورسەتۋدى جەڭىلدەتەتىن بىرنەشە جوبانى ىسكە قوستى. قازىر ءبىزدىڭ الدىمىزداعى ماقسات – ازاماتتاردىڭ سمارتفون ارقىلى بارىنشا كوپ قىزمەتتى الۋىنا مۇمكىندىك جاساۋ».

«قازىرگى تاڭداعى باستى ورىندا تۇرعان مىندەتتەردىڭ ءبىرى – حقكو-عا كەلەتىن كليەنتتەردىڭ اعىنىن ازايتۋ، - دەپ اتاپ ءوتتى تسيفرلىق دامۋ ءمينيسترى باعدات مۋسين.

— كۇن سايىن مىڭداعان قازاقستاندىق جۇرگىزۋشى كۋالىگىن اۋىستىرۋ ءۇشىن حقكو-عا كەلەدى. كۋالىكتى اۋىستىرۋ قاجەتتىگى تۋرالى حابارلاماعا قاراماستان، كوپتەگەن اۆتواۋەسقويلار مەرزىمى ءوتىپ كەتكەن كۋالىكپەن حقكو-عا كەلەدى، بۇل قوسىمشا قيىندىقتار تۋعىزادى، سەبەبى مەديتسينالىق كوميسسيادان ءوتۋ، مەديتسينالىق انىقتاما بەرۋ قاجەت بولادى. بۇل قازاقستاندىقتارعا جۇرگىزۋشى كۋالىگىن الۋ ءۇشىن قولايلى جاعداي جاسايتىن جانە حقكو-نىڭ جۇمىسىن جەڭىلدەتەتىن پايدالى ءارى قاجەتتى قىزمەت».

"ادىرنا" ۇلتتىق پورتالى

 

 

پىكىرلەر