بەيبىت جۋكاەۆ ەلورداداعى ۇلتتىق تەننيس ورتالىعىندا ITF سەرياسى بويىنشا ءوتىپ جاتقان M25 ءتۋرنيرىنىڭ فينالىنا شىقتى، دەپ حابارلايدى "ادىرنا" ۇلتتىق پورتالى.
قازاقستان تەننيس فەدەراتسياسىنىڭ مالىمەتى بويىنشا، ب.جۋكاەۆ جارتىلاي فينالدا جارىستىڭ ەكىنشى راكەتكاسى، ۇندىستاندىق پرادجنەش گۋننەسۆارانمەن سىنعا تۇسكەن. وتانداسىمىز 2 ساعات 6 مينۋتقا سوزىلعان كەزدەسۋدە 4:6, 6:3, 6:4 ەسەبىمەن جەڭىسكە جەتتى. قازاقستاندىق تەننيسشى 13 ەيس جاساپ، 2 برەيككە قول جەتكىزدى. ب.جۋكاەۆ ەندى فينالدا وزبەكستاندىق سەرگەي فومينمەن باس جۇلدەگە تالاسادى.
"ادىرنا" ۇلتتىق پورتالى
