الماتى وبلىسىنداعى مەجدۋرەچەنسك اۋىلىندا اۋىل تۇرعىندارى جول تالعامايتىن كولىكپەن جىلقىنى باسىپ كەتكەن ەر ادامنىڭ ءۇيىن قورشاپ الدى، - دەپ حابارلايدى adyrna.kz.
الەۋمەتتىك جەلىدە 18 شىلدە كۇنى ساعات 22.00-دە جول تالعامايتىن كولىگىمەن اتتى باسىپ وتكەن ەر ادامنىڭ ۇيىنە شابۋىل جاسالعانى تۋرالى اقپارات پايدا بولدى.
«بالالار ءۇيدى بىرەۋدىڭ اينالىپ جۇرگەنىن، اۋماقتا ءالى قورشاۋ جوق ەكەنىن ەستىپ، تەرەزەنى قاعىپ، تاس لاقتىرا باستادى، ەسىكتەردى سىندىرادى جانە ت.ب.، جينالعان ادام سانى 100-گە جۋىق دەپ ەسەپتەلدى. قازىرگى ۋاقىتتا ءبارى جاقسى، بىراق كەتىپ بارا جاتىپ، ءۇيدى ورتەپ جىبەرەمىز دەپ ايعايلادى»، - دەيدى جازبا اۆتورى.
الماتى وبلىسىنىڭ پوليتسيا دەپارتامەنتى وقيعانىڭ شىنىمەن بولعانىن راستادى.
«ۇيلەردىڭ ءبىرىنىڭ جانىنا شامامەن 20-25 ادامنان تۇراتىن جەرگىلىكتى تۇرعىندار جينالدى.
اتالعان حابارلاما ۋچاسكەلىك پوليتسيانىڭ كەزەكشى بولىمىنە تۇسكەن سوڭ، پاترۋلدىك پوليتسيا بولىمشەسى مەن ىلە اۋداندىق پوليتسيا ءبولىمىنىڭ باسشىلىعى دەرەۋ وقيعا ورنىنا جونەلتىلدى. كەلگەن پوليتسەيلەر جينالعاندارمەن تۇسىندىرمە اڭگىمە جۇرگىزدى، سودان كەيىن بارلىعى ۇيلەرىنە تارادى»، - دەدى پوليتسەيلەر.
ءتارتىپ ساقشىلارى قوعامدىق ءتارتىپتى بۇزۋعا جول بەرىلمەيدى دەپ سەندىردى.
پوسموترەت ەتۋ پۋبليكاتسيۋ ۆ Instagram
