مەملەكەت باسشىسى قاسىم-جومارت توقاەۆ وزبەكستان پرەزيدەنتى شاۆكات ميرزيوەۆپەن تەلەفون ارقىلى سويلەستى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
قاسىم-جومارت توقاەۆ شاۆكات ميرزيوەۆتى تۋعان كۇنىمەن قۇتتىقتاپ، وزبەكستان حالقىنىڭ يگىلىگى جولىنداعى جاۋاپتى مەملەكەتتىك قىزمەتىنە تابىس تىلەدى.
مەملەكەت باسشىسى وزبەكستان پرەزيدەنتىنىڭ ەكى ەل اراسىنداعى ستراتەگيالىق سەرىكتەستىكتى، دوستىق جانە تاتۋ كورشىلىك قاتىناستاردى نىعايتۋعا قوسقان جەكە ۇلەسىن اتاپ ءوتتى.
سونىمەن قاتار ەكىجاقتى ىنتىماقتاستىق ماسەلەلەرى مەن الداعى ۋاقىتتا وتەتىن جوعارى دەڭگەيدەگى كەزدەسۋلەردىڭ كەستەسىن قاراستىردى.
