"دالادا تۇنەگەن كەزىم بولعان". امەريكاعا ارمان قۋىپ بارعان قازاق جىگىتى ءومىرى جايىندا نۇرلان سادىبەكوۆ. 
الماتىلىق نۇرلان سادىبەكوۆ ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنەن "سينحرون اۋدارماشى" ماماندىعىن الىپ شىققان. ول قازىرگى تاڭدا امەريكاداعى كولورادو شتاتىنىڭ استاناسى دەنۆەر قالاسىندا تۇرادى جانە سول جەردە جۇمىس ىستەيدى. "شىنى كەرەك، دۇنيەجۇزىنىڭ ءتورت بۇرىشىنان امەريكاعا كەلىپ جاتقان ءار ادامدا ءوزىنىڭ ماقسات-ارماندارى، الىپ امبيتسيالارى، قۇلشىنىستارى بار. امەريكانى تىم بولماسا ءبىر رەت كورۋ مەنىڭ دە بالا كەزدەن ارمانىم بولدى. تەك ەكراننان عانا كورەتىن الەمدەگى ەڭ تانىمال اكتەرلەر، انشىلەر، دۇنيەجۇزىنىڭ ەڭ اتاقتى، داۋلەتتى ادامدارى شىققان، جۇزدەگەن ۇلتتىڭ مادەنيەتىن توپتاستىرعان ەلدە بولىپ، تانىسۋدى ارماندايتىنمىن. ۋنيۆەرسيتەتتە وقىپ جۇرگەندە امەريكاعا كەلگەن دوستارىمنان Work and Travel باعدارلاماسى جايلى ەستىدىم، ءسويتىپ ءۇش اي جازدا بۇل ەلگە كەلۋ مۇمكىندىگى تۋدى", - دەدى ول. نۇرلاننىڭ ايتۋىنشا، امەريكاداعى العاشقى كۇندەردە قيىندىقسىز بولماعان، بىراق ۋاقىت وتە كەلە ارماندارى جۇزەگە اسا باستاپتى. "ەڭ العاش كەزدەر ءالى ەسىمدە. دوسىم ەكەۋمىز Breckinridge قالاشىعىنا كەلدىك. تۇنگى ساعات ەكىلەر شاماسى. تاۋ ەتەگىندە ورنالاسقان ەكەن، كۇن سالقىن. جۇمىس ورنىمىز جابىق بولعاندىقتان، تاڭعا دەيىن جۇرە تۇرايىق دەپ شەشتىك. كوشەدەگى امەريكالىقتاردىڭ قوناقجايلىعىنا تاڭعالدىق، ولار ءتىپتى 1-2 كۇن ۇيلەرىنە تۇرۋعا رۇقسات بەردى. جۇمىس ماسەلەسى دۇرىس شەشىلمەي، دەنۆەر قالاسىنا اتتاندىق، قالتامىزداعى اقشا ساناۋلى، كەي كۇندەرى كوشەگە دە قوندىق، كۇندەلىكتى تاماعىمىز ءبىر نان مەن 3,5 ليتر ءسۇت بولاتىن", - دەپ ەسكە الدى ول. نۇرلاننىڭ ايتۋىنشا، سول كەزدەردە وعان امەريكاداعى قازاقتار جولىعىپ، كومەك قولىن سوزعان. بىرتىندەپ جۇمىسقا ورنالاسقان ول جات جەردىڭ كۇندەلىكتى ومىرىنە تەز ۇيرەنىپ الىپتى. "مەرزىم اياقتالىپ، قازاقستانعا ورالعاننان كەيىن وقۋدى ءتامامداپ، امەريكاعا قايتا كەلىپ، جۇمىس ىستەپ، ءىس باستاۋدى جوسپارلادىم. سەبەبى بۇل جەردەگى مۇمكىندىكتەردى، حالىق ءۇشىن جاسالعان جاعدايلاردى جانە ىستەگەن جۇمىسىڭدى قالاي باعالايتىنىن كورىپ، قايتا ورالعىم كەلدى. ال ءتىل جاعى ءوز ماماندىعىم بولعاندىقتان قيىندىق تۋعىزعان جوق", - دەدى ول. 
الماتىلىق نۇرلان سادىبەكوۆ ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنەن "سينحرون اۋدارماشى" ماماندىعىن الىپ شىققان. ول قازىرگى تاڭدا امەريكاداعى كولورادو شتاتىنىڭ استاناسى دەنۆەر قالاسىندا تۇرادى جانە سول جەردە جۇمىس ىستەيدى. "شىنى كەرەك، دۇنيەجۇزىنىڭ ءتورت بۇرىشىنان امەريكاعا كەلىپ جاتقان ءار ادامدا ءوزىنىڭ ماقسات-ارماندارى، الىپ امبيتسيالارى، قۇلشىنىستارى بار. امەريكانى تىم بولماسا ءبىر رەت كورۋ مەنىڭ دە بالا كەزدەن ارمانىم بولدى. تەك ەكراننان عانا كورەتىن الەمدەگى ەڭ تانىمال اكتەرلەر، انشىلەر، دۇنيەجۇزىنىڭ ەڭ اتاقتى، داۋلەتتى ادامدارى شىققان، جۇزدەگەن ۇلتتىڭ مادەنيەتىن توپتاستىرعان ەلدە بولىپ، تانىسۋدى ارماندايتىنمىن. ۋنيۆەرسيتەتتە وقىپ جۇرگەندە امەريكاعا كەلگەن دوستارىمنان Work and Travel باعدارلاماسى جايلى ەستىدىم، ءسويتىپ ءۇش اي جازدا بۇل ەلگە كەلۋ مۇمكىندىگى تۋدى", - دەدى ول. نۇرلاننىڭ ايتۋىنشا، امەريكاداعى العاشقى كۇندەردە قيىندىقسىز بولماعان، بىراق ۋاقىت وتە كەلە ارماندارى جۇزەگە اسا باستاپتى. "ەڭ العاش كەزدەر ءالى ەسىمدە. دوسىم ەكەۋمىز Breckinridge قالاشىعىنا كەلدىك. تۇنگى ساعات ەكىلەر شاماسى. تاۋ ەتەگىندە ورنالاسقان ەكەن، كۇن سالقىن. جۇمىس ورنىمىز جابىق بولعاندىقتان، تاڭعا دەيىن جۇرە تۇرايىق دەپ شەشتىك. كوشەدەگى امەريكالىقتاردىڭ قوناقجايلىعىنا تاڭعالدىق، ولار ءتىپتى 1-2 كۇن ۇيلەرىنە تۇرۋعا رۇقسات بەردى. جۇمىس ماسەلەسى دۇرىس شەشىلمەي، دەنۆەر قالاسىنا اتتاندىق، قالتامىزداعى اقشا ساناۋلى، كەي كۇندەرى كوشەگە دە قوندىق، كۇندەلىكتى تاماعىمىز ءبىر نان مەن 3,5 ليتر ءسۇت بولاتىن", - دەپ ەسكە الدى ول. نۇرلاننىڭ ايتۋىنشا، سول كەزدەردە وعان امەريكاداعى قازاقتار جولىعىپ، كومەك قولىن سوزعان. بىرتىندەپ جۇمىسقا ورنالاسقان ول جات جەردىڭ كۇندەلىكتى ومىرىنە تەز ۇيرەنىپ الىپتى. "مەرزىم اياقتالىپ، قازاقستانعا ورالعاننان كەيىن وقۋدى ءتامامداپ، امەريكاعا قايتا كەلىپ، جۇمىس ىستەپ، ءىس باستاۋدى جوسپارلادىم. سەبەبى بۇل جەردەگى مۇمكىندىكتەردى، حالىق ءۇشىن جاسالعان جاعدايلاردى جانە ىستەگەن جۇمىسىڭدى قالاي باعالايتىنىن كورىپ، قايتا ورالعىم كەلدى. ال ءتىل جاعى ءوز ماماندىعىم بولعاندىقتان قيىندىق تۋعىزعان جوق", - دەدى ول. نۇرلان قازىرگى تاڭدا امەريكاداعى ەڭ ءىرى كومپانيالاردىڭ بىرىندە كابەلدىك ورناتۋ سالاسىنىڭ مامانى بولىپ جۇمىس ىستەيدى. ايتۋىنشا، قازىر وعان وزگە شتاتتاردان جۇمىس ۇسىنىپ، كومپانيالارىنا شاقىراتىندار دا بار. "بۇل جاقتا جۇمىستى تياناقتى ىستەۋدەن بولەك، قىزمەت كورسەتۋ دارەجەسى باعالانادى. قىزمەت ءتۇرىن كورسەتكەننەن كەيىن كومپانيا وكىلدەرى كليەنتكە حابارلاسىپ، سەنىڭ قىزمەت كورسەتۋىڭە باعا سۇرايدى. سول سەبەپتى اركىم ءوز جۇمىسىنا ادال ءارى تياناقتى. ال ەڭبەكاقىسى ورتا ەسەپپەن العاندا ايىنا 3 مىڭ دوللار. قوسىمشا تاكسي جۇرگىزەتىندەر بولادى، ولار ايىنا قوسىمشا، شامامەن 1,5 مىڭ دوللار تابىس تابادى. بۇعان دەيىن ءۇي كوشىرىسۋ سالاسىندا اۋىر جۇمىس ىستەدىم، ول كەزدە اپتاسىنا 1 مىڭ دوللار تابىس تاباتىنمىن. قازىرگى جۇمىسىم وزىمە قاتتى ۇنايدى، تابىسىم دا ويداعىداي", - دەدى ول. نۇرلاننىڭ ايتۋىنشا، ول بولاشاقتا ەلگە ورالادى جانە وعان قاتىستى جوسپارلارى دا بار. "بولاشاققا دەگەن جوسپارىم وتە كوپ، ءوز ءىسىمدى اشىپ، كەيىن قازاقستاننىڭ دامۋىنا ءوز ۇلەسىمدى قوسقىم كەلەدى. امەريكادا تاجىريبەمدى شىڭداپ، ءبىلىمىمدى ارتتىرىپ، ەرتەڭ ەلگە بارعاندا ءبىر پايدامدى تيگىزسەم دەيمىن. ول ءۇشىن تاباندىلىق، ەڭبەكقورلىق جانە ساناڭدى دۇرىس پايدالانساڭ جەتەرلىك، كەز كەلگەن بيزنەستى دوڭگەلەتىپ اكەتۋگە بولادى. اقش-تا كاسىپكەردى قىسپاققا المايدى، تەكسەرمەيدى، تەك قۇجاتىڭ تۇگەل، سالىعىڭ تولەۋلى بولسا بولدى. "كوكە-جاكەنى" ايتقاننان پايدا جوق، سەبەبى مۇندا ونداي جۇيە جاسالماعان", - دەدى ول.
Tengrinews.kz
Tengrinews.kz
