قازاقستان ازاماتتىعىن الۋ كەزىندە قازاق ءتىلىن بىلۋگە قويىلاتىن تالاپ جەڭىلدەتىلۋى مۇمكىن

ەلىمىزدە ازاماتتىق الۋ ءۇشىن مەملەكەتتىك ءتىل مەن كونستيتۋتسيانى بىلۋگە قويىلاتىن تالاپتار وزگەرەدى, دەپ حابارلايدى «ادىرنا» ءتىلشىسى.

عىلىم جانە جوعارى ءبىلىم مينيسترلىگى قازاقستان ازاماتتىعىن الۋ نەمەسە قالپىنا كەلتىرۋ ءۇشىن قاجەت ءبىلىم كولەمىن ايقىندايتىن نورماتيۆتىك قۇجاتقا وزگەرىستەر ەنگىزۋ تۋرالى بۇيرىق جوباسىن ازىرلەدى.

«اشىق نقا» پورتالىندا ۇسىنىلعان قۇجات جوباسىندا  ءاربىر ءپان بويىنشا ەڭ تومەنگى شەكتى بالداردى قايتا بەلگىلەۋ قاراستىرىلعان. جاڭا تالاپتارعا سايكەس, ۇمىتكەر مەملەكەتتىك ءتىل بويىنشا كەمىندە 15 بالل, قازاقستان رەسپۋبليكاسىنىڭ كونستيتۋتسياسى نەگىزدەرى بويىنشا كەمىندە 20 بالل, قازاقستان تاريحى پانىنەن كەمىندە 15 بالل جيناۋى كەرەك.

ال قازىر ازاماتتىق الۋ ءۇشىن وتكىزىلەتىن تەستىلەۋدە مەملەكەتتىك تىلدەن كەمىندە 36 بالل، ال كونستيتۋتسيادان كەمىندە 9 بالل جيناۋ تالاپ ەتىلەدى. قازاقستان تاريحىنان شەكتى بالل سول كۇيى قالعان.

«جوبانىڭ قابىلدانۋى ءاربىر ءپان بويىنشا قازاقستان رەسپۋبليكاسىنىڭ ازاماتتىعىنا ۇمىتكەرلەردى تەستىلەۋ سۇراقتارىنىڭ بارىنشا تەڭ اراقاتىناسىن قامتاماسىز ەتەدى جانە شەكتى دەڭگەيدى 10%-عا تومەندەتەدى»،—دەپ ءتۇسىندىردى مينيسترلىك.

ايتا كەتەيىك، جوبا 25 شىلدەگە دەيىن قوعامدىق تالقىلاۋ ءۇشىن «اشىق نقا» پورتالىندا ورنالاستىرىلعان.