جەتىسۋ وبلىسىنىڭ الاكول كولى جاعالاۋىنداعى «الاكول - 2025» وبلىستىق جازعى سپارتاكياداسىندا 400-گە جۋىق سپورتشى باق سىناسۋدا. اقشي اۋىلىنداعى بۇل سپورتتىق جارىس «سپورت - ءدىني ەكسترەميزم مەن تەرروريزمگە قارسى» ۇرانىمەن ءوتىپ جاتىر، دەپ حابارلايدى «ادىرنا» ءتىلشىسى جەتىسۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.
جەتىسۋ وبلىسى كولەمىندە وتكىزىلىپ وتىرعان ءداستۇرلى سپورتتىق شارا - بۇقارالىق سپورتتى دامىتۋعا، جاستار اراسىندا سالاۋاتتى ءومىر سالتىن قالىپتاستىرۋعا، ءدىني ەكسترەميزم مەن تەرروريزمنىڭ الدىن الۋعا، سونداي-اق ءوڭىر ءتۋريزمنىڭ الەۋەتىن تانىتۋعا باعىتتالعان.
اقشي اۋىلىندا ەكى كۇنگە سوزىلاتىن سپارتاكيادادا 400-گە جۋىق سپورتشى جاعاجاي ۆولەيبولى، شاعىن فۋتبول، ۇستەل تەننيسى، ارقان تارتۋ سىندى سپورت تۇرلەرى بويىنشا ءوزارا باق سىناسۋدا.
جارىستار الاكول جاعالاۋىندا ارنايى ۇيىمداستىرىلعان الاڭداردا وتۋدە.
ايتا كەتسەك، جارىستىڭ باستى ەرەكشەلىگى - ءار سپورت جارىسىنىڭ تابيعات اياسىندا ۇيىمداستىرىلۋى. سوندىقتان دا قاتىسۋشىلار ءۇشىن سپارتاكيادا تەك جارىس قانا ەمەس، ەرەكشى اتموسفەراعا تولى سپورتتىق مەرەكەگە اينالدى.
ء«بىز كوماندامىزبەن ارقان تارتىس جارىسىنا قاتىسىپ جاتىرمىز. ءوزىم بيىل بۇل سپارتاكياداعا العاش رەت كەلىپ وتىرمىن. جاڭاجايدا جارىسۋ مۇلدە باسقا اسەر سىيلايدى. تابيعاتپەن ۇندەسە وتىرىپ جارىسۋ بىزگە ۇلكەن موتيۆاتسيا بەردى. وسى شاراعا قاتىسقانىما قۋانىشتىمىز»،— دەيدى تالدىقورعان قالاسىنىڭ سپورتشىسى نۇردانا التايقىزى.
جارىس جەڭىمپازدارى مەن ۇزدىك كوماندالار 19 شىلدە كۇنى ماراپاتتالادى.
