قازاقستانعا الەمدىك سۋپەرجۇلدىز شاكيرا كەلىپ كونتسەرت قويۋى مۇمكىن. بۇل تۋرالى دجەننيفەر لوپەستىڭ استاناداعى كونتسەرتىن ۇيىمداستىرعان قازاقستاندىق پروديۋسەر مالىك حاسەنوۆ ايتتى، دەپ حابارلايدى «ادىرنا» ءتىلشىسى.
"مەن سىزدەرگە كىشىگىرىم قۇپيانى اشايىن. ءبىز ونىمەن (شاكيرامەن — رەد.) كەلىسسوز جۇرگىزىپ جاتىرمىز. بۇيىرسا كۇزدە بەلگىلى بولادى. جاڭالىق كۇتىڭىزدەر", - دەدى ول.
ەسكە سالا كەتەيىك، 1 تامىزدا استانادا الەمگە ايگىلى ءانشى دجەننيفەر لوپەستىڭ كونتسەرتى وتكەن بولاتىن. 10 تامىز كۇنى ول الماتىدا ونەر كورسەتەدى. سونداي-اق قىركۇيەك ايىندا استانا مەن الماتى قالالارىندا Backstreet Boys توبىنىڭ كونتسەرتتەرى وتەدى دەپ كۇتىلءىپ وتىر.
بۇعان دەيىن مادەنيەت جانە اقپارات ءمينيسترى ايدا بالاەۆا لارا فابيان مەن شاكيرانىڭ كونتسەرتىنە بارعىسى كەلەتىنىن ايتقان ەدى.
