تۇركيا مەن ءازىربايجان جەڭىلدەتىلگەن كەدەندىك ءدالىز قۇرۋدىڭ سوڭعى ساتىسىندا. بۇل تۋرالى تۇركيانىڭ ساۋدا ءمينيسترى مەحمەت مۋش مالىمدەدى، دەپ حابارلايدى “ادىرنا” ۇلتتىق پورتالى.
«ءبىز بۇل جوبانى ازىربايجانمەن پيلوتتىق رەجيمدە جۇزەگە اسىرۋدى باستاۋ ءۇشىن تەحنيكالىق بازا قۇرىپ جاتىرمىز. تۇركيا وزبەكستانمەن ۇقساس كەدەندىك ءدالىزدى جۇزەگە اسىرۋعا دايىن»، - دەدى تۇركيانىڭ ساۋدا مينيسترلىگىنىڭ باسشىسى سەيسەنبى كۇنى تاشكەنتتە تۇركيا، وزبەكستان جانە ءازىربايجان سىرتقى ىستەر، ساۋدا جانە كولىك مينيسترلەرىنىڭ ۇشجاقتى كەزدەسۋىندە.
مۋشتىڭ ايتۋىنشا، تۇركيا، ءازىربايجان جانە وزبەكستاننىڭ جالپى ىشكى جالپى ءونىمى 1 تريلليون دوللارعا جەتەدى. ال ءۇش ەلدىڭ حالقى 130 ميلليون ادامدى قۇرايدى، بۇل ۇلكەن الەۋەتتىڭ كورسەتكىشى.
مۋش ءازىربايجان جانە وزبەكستانمەن جاسالعان جەڭىلدىكتى ساۋدا كەلىسىمدەرىنىڭ تۇركيانىڭ وسى الەۋەتتى جۇزەگە اسىرۋعا بەرگەن ماڭىزدىلىعىن بىلدىرەتىنىن اتاپ كورسەتتى.
«مەن بۇل كەلىسىمدەردىڭ اياسىنىڭ كەڭەيۋىمەن مەملەكەتارالىق قاتىناستاردىڭ جاڭا ءداۋىرى كەلەدى دەپ ويلايمىن. سونىمەن قاتار، كەدەندەگى بيۋروكراتيانى ازايتۋعا باعىتتالعان شارالاردىڭ قابىلدانۋى ساۋدانى جەڭىلدەتەدى جانە ساۋداعا وڭ اسەر ەتەدى»، - دەگەن ول انكارانىڭ كەدەندىك راسىمدەردى جەڭىلدەتۋگە ءمان بەرەتىنىن اتاپ ءوتتى.
«ازەربايجان مەن وزبەكستان تۇركيانىڭ ورتالىق ازيامەن ساۋداسىندا ماڭىزدى ءرول اتقارادى.تۇركيا ءوز كەزەگىندە ءازىربايجان مەن وزبەكستاننىڭ ەۋروپا، تاياۋ شىعىس جانە افريكا ەلدەرىمەن ساۋداسىندا كوپىر قىزمەتىن اتقارادى»، - دەدى ول.
“ادىرنا” ۇلتتىق پورتالى
