شىعىس قازاقستان وبلىسىنىڭ اكىمى نۇرىمبەت ساقتاعانوۆ ىشكى ساياسات باسقارماسىنىڭ جاڭا باسشىسىن ۇجىمعا تانىستىردى، دەپ حابارلايدى "ادىرنا" ۇلتتىق پورتالى.
بۇل قىزمەتكە ايدار سەرىكقازىۇلى سادىرباەۆ تاعايىندالدى.
ايدار سادىرباەۆ بۇعان دەيىن اباي وبلىسىنىڭ قوعامدىق دامۋ باسقارماسىن باسقارعان. قازاق يننوۆاتسيالىق گۋمانيتارلىق-زاڭ ۋنيۆەرسيتەتىن «تاريح» ماماندىعى بويىنشا تامامداعان. ەڭبەك جولىن قازاق ءتىلى مەن ادەبيەتى ءپانىنىڭ مۇعالىمى بولىپ باستاپ، كەيىن اۋداندىق ءبولىم مامانىنان قالا جانە وبلىس دەڭگەيىندەگى باسشىلىق قىزمەتتەرگە دەيىن جەتتى. سونداي-اق اباي وبلىسى بويىنشا «امانات» پارتياسىنىڭ توراعاسى بولعان.
وبلىس اكىمى نۇرىمبەت ساقتاعانوۆ باسقارمانىڭ جاڭا باسشىسىنىڭ مول تاجىريبەسى مەن كاسىبي بىلىكتىلىگى ءوڭىردىڭ ىشكى ساياسات سالاسىنداعى مىندەتتەردى ءتيىمدى جۇزەگە اسىرۋعا مۇمكىندىك بەرەتىنىنە سەنىم ءبىلدىردى.
