ۆەنەسۋەلانىڭ جوعارعى سوتى ۆيتسە-پرەزيدەنت دەلسي رودريگەستى مەملەكەت باسشىسىنىڭ مىندەتىن اتقارۋشى ەتىپ تاعايىندادى. Report اگەنتتىگى تاراتقان مالىمەتكە سايكەس، بۇل تۋرالى جەرگىلىكتى Venezolana de Televisión تەلەارناسىنىڭ ەفيرىندە سۋديا تانيا د’امەليو مالىمدەدى، دەپ حابارلايدى “ادىرنا”.
ۆەنەسۋەلانىڭ جوعارعى سوتى (TSJ) رەسپۋبليكانىڭ اتقارۋشى ۆيتسە-پرەزيدەنتى دەلسي رودريگەستىڭ كونستيتۋتسيا مەن ۆەنەسۋەلا زاڭدارىن قاتاڭ ساقتاي وتىرىپ، رەسپۋبليكا پرەزيدەنتىنىڭ مىندەتىن دەرەۋ اتقارۋعا كىرىسۋىن تاپسىردى، - دەدى ول.
سۋديانىڭ تۇسىندىرۋىنشە، بۇل شەشىم جوعارعى سوتتىڭ كونستيتۋتسيالىق پالاتاسى تاراپىنان 2026 جىلعى 3 قاڭتاردا ورىن العان شەتەلدىك اسكەري اگرەسسياعا جانە ۆەنەسۋەلانىڭ كونستيتۋتسيالىق پرەزيدەنتى نيكولاس مادۋرونىڭ ۇرلانىپ اكەتىلۋىنە بايلانىستى قابىلدانعان.
