الماتىدا ەر ادام اۆتوبۋستا بۇرىنعى ايەلىنە پىشاق جاراقاتىن سالدى، دەپ حابارلايدى “ادىرنا” ۇلتتىق پورتالى
«نەمولچي.kz» قوعامدىق قورىنىڭ مالىمەتىنشە، زارداپ شەككەن 27 جاستاعى ايەل ەكى بالانىڭ اناسى. وقيعا 31 شىلدە كۇنى كەشكى ساعات 22:30-دا ساين جانە رىسقۇلوۆ كوشەلەرىنىڭ ماڭىندا، №38 اۆتوبۋستا بولعان. ەر ادام ايەلمەن سوزگە كەلىپ قالعانى، كەيىن پىشاق الىپ شابۋىل جاساعانى اۆتوبۋستاعى كامەراعا ءتۇسىپ قالعان.
الماتى پوليتسيا دەپارتامەنتى اتالعان دەرەك الاتاۋ اۋداندىق پوليتسيا بولىمىندە تىركەلگەنىن حابارلادى.
«سوت-مەديتسينالىق ساراپتاما تاعايىندالدى. كەشەندى تەرگەۋ شارالارى ءجۇرىپ جاتىر. ناتيجەسى بويىنشا پروتسەستىك شەشىم قابىلدانادى»، – دەپ جازىلعان حابارلامادا.
ۆيدەونى تەلەگرام ارنامىزدان كورە الاسىز.
«ادىرنا» ۇلتتىق پورتالى
