ەلگە، سولتۇستىككە كوشەتىن قانداستاردى توقتاتۋعا ارنالعان كومپانيا باستالعان سەكىلدى. مىسالى، رەسپۋبليكا بويىنشا حابار تاراتاتىن بىرنەشە مەديالاڭدا بۇگىن: اۋعاننان كەلگەن كوپ بالالى بىرەۋ، ءوزىن قازاقپىن دەپ كورسەتىپ، ۇكىمەتتى الداپ، 20 ميلليون الىپتى، سول 20 ميلليونعا پاۆلوداردان ءۇي ساتىپ الىپتى، مىنە سوعان سوت وتىرىسى ءوتىپ كىنالى دەپ تانىلعان دەگەن ءبىر جاقتى جازبا جاريالانعان.
ءجاي ادامعا بۇل جاعاۇستاتارلىق حابار بولۋى مۇمكىن، بىراق كوش ماسەلەسىندە جۇرگەن، باعدارلاما ءمانىن بىلەتىن ادامعا بۇل – ابسۋرد. پاۆلودارعا كوشتى توقتاتقىسى كەلىپ جۇرگەن بىرەۋلەردىڭ ءىس ارەكەتى.
بىرىنشىدەن، ءوزىن قازاق قىپ كورسەتۋ، جالعان قۇجات جاساتۋ وڭاي شارۋا ەمەس، قۇجات وتكىزگەندە ءتىل ءبىلۋى دەگەن سەكىلدى دۇنيەلەر ەسكەرىلەدى.
ەكىنشى، ەشقانداي باعدارلاما قانداسقا 20 ميلليون بەرمەيدى. قولعا بەرىلەتىن سۋبسيديالىق كومەك ادام باسىنا 300 مىڭ، ال ءۇي ساتىپ الۋعا بيىل 7 ميلليون تەڭگەگە دەيىن كومەك كورسەتىلەدى. ول اقشانىڭ ءوزى كوشكەن ادامنىڭ ەمەس، ءۇي ساتۋشىنىڭ شوتىنا تۇسىرىلەدى. ءۇي قۇجاتتارى تەكسەرىلەدى، مەملەكەتتىك بازاعا تىركەلەدى. مىنە، بار بەرىلەتىن كومەكتەر وسى. جازباعا سايكەس، 20 ميلليوندى كىم بەرگەن سوندا؟ دەمەك، بەرىلەتىن كومەكتەن 10 ەسە كوپ قارجىنى اۋدارعان وبلىستىڭ جۇمىسپەن قامتۋ باسقارماسى، اقشانى اۋدارعان مانساپ ورتالىقتارى نەگە جاۋاپقا تارتىلمايدى؟ دەمەك ولاردا دوليادا بوپ تۇر عوي؟ ولار تۋرالى اقپاراتتار نەگە جوق؟
قىسقاسى، ەلگە كەلەتىن قانداس لەگىن توقتاتقىسى كەلەتىن ءبىر توپتىڭ بارى انىق. ايتپەسە، وبلىستىڭ ارتىن اشار مىناداي نەگىزسىز اقپارات رەسپۋبليكالىق باق-تارعا شىقپاس ەدى دەپ ويلايمىن.
"TAUEKEL". تەرىسكەي بىزگە امانات.
