مەملەكەت باسشىسى ۇكىمەتتىڭ كەڭەيتىلگەن وتىرىسىندا ەلدەگى ينفلياتسيا تۋرالى ايتىپ، تاپسىرما بەردى، دەپ حابارلايدى "ادىرنا" ۇلتتىق پورتالى.
پرەزيدەنت ءوز سوزىندە:
"يفلياتسيانى ويعا قونىمدى، قالىپتى دەڭگەيگە ءتۇسىرۋ قاجەت. ونىڭ شارىقتاپ كەتۋىنە جول بەرمەۋ كەرەك. ينفلياتسيانىڭ نە سەبەپتى جوعارى بولىپ تۇرعانى بەلگىلى، كەسەلدىڭ سەبەبى انىقتالدى. ەندى وسى ماسەلەنى شەشۋ كەرەك. بىراق ۇسىنىلاتىن شارالار ەلدىڭ دامۋىنا كەرى اسەرىن تيگىزبەۋى قاجەت. ءدال وسى تۇستا ءتۇرلى پىكىر ايتىلىپ جاتىر. ۇكىمەت پەن ۇلتتىق بانككە بىرلەسىپ ناقتى ءىس-قيمىل الگوريتمىن ازىرلەۋدى تاپسىرامىن. وسى ماڭىزدى جۇمىسقا بارلىق مەكەمە وكىلدەرى مەن ساراپشىلار قاتىسۋعا ءتيىس. تاعى دا قايتالاپ ايتامىن: قولايسىز احۋالدى شۇعىل رەتكە كەلتىرۋ قاجەت. بيىلدان باستاپ ءۇش جىل قاتارىنان ينفلياتسيانى تومەندەتۋ ءۇشىن ناقتى شارالار قابىلداۋ كەرەك", - دەدى.
سونىمەن قاتار، مەملەكەت باسشىسى بىرلەسكەن ءىس-قيمىل باعدارلاماسىن ساپالى ورىنداۋ ايرىقشا ماڭىزدى ەكەنىن ەرەكشە اتاپ، تاپسىرما بەردى.
"ماسەلەنى شەشۋدىڭ ورنىنا بوس ءسوزدى كوبەيتىپ، قاجەتسىز «جول كارتالارىن» ازىرلەۋ – جاۋاپكەرشىلىكتەن قاشۋ دەگەن ءسوز. الدىن الا ەسكەرتۋ: ونداي جاعدايدا قاتاڭ شارا قولدانىلادى. حالىقتىڭ تابىسى ارتسا عانا، ناقتى ناتيجەگە قول جەتكىزدىك دەپ ساناۋعا بولادى", - دەدى ول.
