قاڭتاردا Gallup امەريكالىق قوعامدىق پىكىردى زەرتتەۋ ۇيىمى 25 ەلدىڭ، سونىڭ ىشىندە قازاقستان ازاماتتارىنىڭ رەسەي مەن ۋكراينا باسشىلىعىنا كوزقاراسى تۋرالى ساۋالناما ناتيجەسىن جاريالادى.
دەرەكتەرگە سايكەس، ساۋالناماعا قاتىسقان قازاقستاندىقتاردىڭ 30 پايىزى رەسەي باسشىلىعىن تولىق قولدايدى ەكەن دە تەك 20 پايىزى عانا ۋكراينا باسشىلىعىن قولدايدى.
بۇل تەڭگەرىمسىزدىكتىڭ باستى سەبەبى – قازاقستانداعى بارلىق كابەلدىك جەلىلەردە ونداعان رەسەيلىك تەلەكومپانيا جۇمىس ىستەيدى، ولار قازاقستاندىقتاردىڭ ميىن تاۋلىك بويى جۋىپ-شايىپ تاستاعان. سونداي جاعدايدا قازاقستاننىڭ كابەلدىك جەلىلەرىندە بىردە-ءبىر ۋكرايندىق تەلەارنا كورسەتىلمەيدى.
شىن مانىندە، ء«پۋتيندى قولدايتىنداردىڭ» 30 پايىزى – رەسەيدىڭ قازاقستانعا شابۋىلى بولعان جاعدايدا رەسەيلىك تانكتەردى گۇلدەرمەن، نان-تۇزبەن قارسى الۋعا شىعاتىن «داياشىلار». مەنىڭ ويىمشا، بۇل جاعداي ۇلتتىق قاۋىپسىزدىككە قاتىستى بولعاندىقتان، قازاقستان باسشىلىعىن قاتتى الاڭداتۋى كەرەك.
قازاقستاندىقتاردى – ءپۋتيننىڭ بودانىنا، ال قازاقستاندى ءىس جۇزىندە رەسەي گۋبەرنياسىنا اينالدىرىپ جاتقان رەسەيلىك ۇگىت-ناسيحات اعىنىن دەرەۋ توقتاتۋ كەرەك.
