اتىراۋ وبلىسىندا 15 ناۋرىزدا وتەتىن كونستيتۋتسيانىڭ جاڭا جوباسىنا بايلانىستى رەسپۋبليكالىق رەفەرەندۋمعا وبلىس بويىنشا 276 ۋچاسكەلىك رەفەرەندۋم كوميسسياسى دايىندىق جۇرگىزۋدە. بارلىق كوميسسيالار ءوز جۇمىستارىن ورتالىق رەفەرەندۋم كوميسسياسى بەكىتكەن كۇنتىزبەلىك جوسپارعا سايكەس جۇزەگە اسىرادى.
22 اقپاننان باستاپ ۋچاسكەلىك كوميسسيالار ءوز قىزمەتىنە كىرىسىپ، 27 اقپاننان باستاپ رەفەرەندۋمعا قاتىسۋعا قۇقىعى بار ازاماتتارعا دەرەكتەرىن تەكسەرۋ مۇمكىندىگى بەرىلدى. بۇگىنگى تاڭدا وبلىس بويىنشا جالپى داۋىس بەرۋگە قۇقىعى بار 416 مىڭنان استام ازامات تىزىمگە ەنگىزىلگەن.
بۇل جونىندە اتىراۋ وبلىستىق اۋماقتىق رەفەرەندۋم كوميسسياسىنىڭ توراعاسى ءاسيا قىستاۋباەۆا ايتىپ بەردى.
اتاپ وتكەندەي، داۋىس بەرۋگە قۇقىعى بار ازاماتتار ءوز رەفەرەندۋم ۋچاسكەلەرىن انىقتاۋ ءۇشىن تەلەگرام الەۋمەتتىك جەلىسىندەگى ارنايى اشىلعان «AtyrauReferendumBot» https://t.me/SailauAtyrauBot اككاۋنتىن نەمەسە وبلىس اكىمدىگىنىڭ atyrau.gov.kz https://www.gov.kz/?lang=kk رەسمي سايتىنىڭ «سايلاۋ» پاراقشاسىنداعى «رەفەرەندۋم 2026» بولىمىندەگى ء«وزىڭدى داۋىس بەرۋشى ازاماتتار تىزىمىنەن تەكسەر!» سىلتەمەسىن پايدالانا الادى. بۇل جولدار ارقىلى ءاربىر ازامات ءوز جسن-ءىن ەنگىزىپ، قاي ۋچاسكەگە تىركەلگەنىن بىلە الادى.
سونىمەن قاتار، ازاماتتار 109 بىرىڭعاي انىقتامالىق قىزمەتكە حابارلاسىپ، اتىراۋ قالاسى مەن اۋدان ورتالىقتارىندا اشىلعان اكىمدىكتەردىڭ call-ورتالىعىنا دا جۇگىنۋ مۇمكىندىگىنە يە. اتىراۋ قالاسىنداعى ۋچاسكەنىڭ ناقتى ورنالاسقان جەرىن 2 گيس ەلەكتروندىق انىقتاماسى ارقىلى تابۋعا بولادى.
-ەگەر داۋىس بەرۋ كۇنى ءوزىڭىزدىڭ تىركەلگەن جەرىڭىزدەن تىس جەرگە باراتىن بولساڭىز 14 ناۋرىزدا ساعات 18:00-گە دەيىن ءوز ۋچاسكەلىك كوميسسياڭىزعا جازباشا وتىنىشپەن جۇگىنىپ، جەكە باسىڭىزدى كۋالاندىراتىن قۇجاتتى ۇسىنۋىڭىز قاجەت. كوميسسيا سىزگە ەسەپتەن شىعارۋ كۋالىگىن بەرەدى. بۇل كۋالىكتى سەنىمحات ارقىلى وكىل ارقىلى الۋ دا مۇمكىن، نوتارياتتىق كۋالاندىرۋ تالاپ ەتىلمەيدى. ەسەپتەن شىعارۋ كۋالىگى جوعالعان جاعدايدا ونى قالپىنا كەلتىرۋ نەمەسە تەلنۇسقاسىن الۋ مۇمكىن ەمەس. ءبىر ەلدى مەكەن شەگىندە باسقا ۋچاسكەدە داۋىس بەرگىسى كەلەتىن ازاماتتارعا ەسەپتەن شىعارۋ كۋالىگى بەرىلمەيتىنىن ەسكەرۋ ماڭىزدى.
داۋىس بەرۋ كۇنى ءوزىڭىز بولاتىن ۋچاسكەدە ەسەپتەن شىعارۋ كۋالىگىن كورسەتۋ قاجەت. ۋچاسكەلىك كوميسسيا ءسىزدى داۋىس بەرۋگە ارنالعان تىزىمگە ەنگىزەدى. تولىق اقپارات الۋ ءۇشىن وبلىس اكىمدىگىنىڭ atyrau.gov.kz رەسمي سايتىنىڭ «سايلاۋ» پاراقشاسىنداعى «رەفەرەندۋم 2026» بولىمىنە، سونداي-اق 109 اقپاراتتىق قىزمەتىنە نەمەسە اتىراۋ قالاسى مەن اۋدان ورتالىقتارىنداعى اكىمدىكتەردىڭ call-ورتالىعىنا حابارلاسۋعا بولادى، — دەدى اتىراۋ وبلىستىق اۋماقتىق رەفەرەندۋم كوميسسياسىنىڭ توراعاسى ءاسيا قىستاۋباەۆا.
ءوزىڭدى داۋىس بەرۋشى ازاماتتار تىزىمىنەن تەكسەر!
ارنايى سايت - https://www.gov.kz/referendum
تەلەگرام بوت – https://t.me/SailauAtyrauBot
CALL-ورتالىقتاردىڭ جۇمىس ۋاقىتى:
جۇمىس كۇندەرى ساعات 9:00-دەن 18:30-عا دەيىن.
اتىراۋ وبلىسى – 109 وپەراتور
اتىراۋ قالاسى:
📞 8 (7122) 320235
📞 8 (7122) 320233
جىلىوي اۋدانى:
📞 8 (71237) 51554
يندەر اۋدانى:
📞 8 (71234) 20385
يساتاي اۋدانى:
📞 8 (71234) 20487
قۇرمانعازى اۋدانى:
📞 8 (71233) 21380
قىزىلقوعا اۋدانى:
📞 8 (71238) 21195
ماقات اۋدانى:
📞 8 (71239) 32341
ماحامبەت اۋدانى:
📞 8 (71236) 21242
وبلىس تۇرعىندارى رەفەرەندۋم وتكىزۋگە قاتىستى بارلىق سۇراقتار بويىنشا كورسەتىلگەن بايلانىس ارنالارىن پايدالانا الادى.
