يزرايل باقىلاۋىنداعى باتىس جاعالاۋ اۋماعىندا ەۆرەي قونىستانۋشىلارى پالەستين اۋىلدارىنا بىرقاتار شابۋىل جاسادى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
ولار ۇيلەردى، اۆتوكولىكتەردى جانە اۋىل شارۋاشىلىعى القاپتارىن ورتەگەن.
قاقتىعىستىڭ كۇشەيۋىنە 18 جاستاعى قونىستانۋشى يەگۋدا شەرمان قازا تاپقان. الدىن الا مالىمەت بويىنشا، ول كۆادروتسيكلمەن كەلە جاتقان كەزدە پالەستينالىق جۇرگىزۋشى باسقارعان كولىك قاعىپ كەتكەن. پوليتسيا بۇل وقيعانىڭ ادەيى جاسالعان شابۋىل نە كەزدەيسوق جاعداي ەكەنىن انىقتاپ جاتىر.
وقيعادان كەيىن WhatsApp مەسسەندجەرىندەگى توپتاردا قونىستانۋشىلار اراسىندا «كەك الۋ ناۋقانىنا» شاقىرعان حابارلامالار تاراعان. يزرايل قورعانىس مينيسترلىگى وكىلىنىڭ مالىمەتىنشە، ءبىر ءتۇن ىشىندە 20-دان استام شابۋىل تىركەلگەن.
بۇۇ دەرەگىنە سايكەس، اقش پەن ءيزرايلدىڭ يرانعا جاساعان شابۋىلدارىنان كەيىن قونىستانۋشىلار تاراپىنان زورلىق-زومبىلىق جيىلەپ، 1 ناۋرىزدان بەرى التى پالەستينالىق قازا تاپقان.
يزرايل قورعانىس اسكەرى مالىمدەۋىنشە، تارتىپسىزدىكتەر تۋرالى حابارلامالاردان كەيىن اسكەري بولىمشەلەر مەن شەكارا پوليتسياسى بىرنەشە پالەستين اۋىلىنا جىبەرىلگەن.
شابۋىلعا ۇشىراعان ەلدى مەكەندەر قاتارىندا دجالۋد، كاريۋت، ال-فۋندۋكميا جانە سيلات ءال-دحاح اۋىلدارى بار.
