يتاليانىڭ پارما قالاسى ماڭىنداعى فوندا مانياني-روككا جەكە مۋزەيىنەن ايگىلى يمپرەسسيونيست سۋرەتشىلەردىڭ ءۇش تۋىندىسى ۇرلاندى، دەپ حابارلايدى "ادىرنا" ۇلتتىق پورتالى.
شەتەلدىك باق دەرەگىنشە، قىلمىس 22-نەن 23 ناۋرىزعا قاراعان ءتۇنى جاسالعان. الايدا بۇل اقپارات تەك ءبىر اپتادان كەيىن جاريالانعان.
بەلگىسىز ادامدار مۋزەيدىڭ كىرەبەرىس ەسىگىن بۇزىپ كىرىپ، نەبارى ءۇش مينۋت ىشىندە كارتينالاردى الىپ، باق ارقىلى قاشىپ كەتكەن.
ۇرلانعان تۋىندىلار قاتارىندا پەر وگيۋست رەنۋاردىڭ «بالىقتار» كارتيناسى، پول سەزانننىڭ «ناتيۋرمورت» اتتى سۋرەتى جانە انري ماتيسستىڭ اكۆارەلى بار.
مۋزەي وكىلدەرى بۇل الدىن الا جوسپارلانعان قىلمىس ەكەنىن مالىمدەدى.
الدىن الا ەسەپ بويىنشا، ۇرلانعان تۋىندىلاردىڭ قۇنى بىرنەشە ميلليون ەۋرونى قۇرايدى. قازىرگى ۋاقىتتا تەرگەۋ امالدارى جۇرگىزىلىپ جاتىر.
وتكەن قازان ايىندا ءپاريجدىڭ ايگىلى لۋۆر مۋزەيىنەن توعىز باعالى جادىگەر ۇرلانعان بولاتىن.
