وسكەمەننىڭ قىلمىستىق ىستەر جونىندەگى اۋدانارالىق سوتىندا شىعىس قازاقستان وبلىسىنىڭ اكىمىنىڭ ءبىرىنشى ورىنباسارى جاقسىلىق ومارعا قاتىستى سوت پروتسەسى جالعاسىپ جاتىر، دەپ حابارلايدى "ادىرنا" ۇلتتىق پورتالى.
31 ناۋرىزدا وتكەن ءجارىسسوز بارىسىندا مەملەكەتتىك ايىپتاۋشى جاقسىلىق ومارعا التى جىلعا باس بوستاندىعىنان ايىرۋ جازاسىن سۇرادى. وعان ءىرى كولەمدە الاياقتىق جاساۋ جانە ءىرى كولەمدە پارا الۋ دەرەگى بويىنشا ايىپ تاعىلعان.
سوتتا پروكۋرور Toyota Camry كولىگىن تاركىلەۋدى، جاقسىلىق ومارعا ءومىر بويى مەملەكەتتىك قىزمەتتە جۇمىس ىستەۋگە تىيىم سالۋدى جانە ونى "قۇرمەت" وردەنىنەن ايىرۋدى سۇرادى. جەڭىلدەتەتىن ءمان-جاي رەتىندە ايىپتالۋشىنىڭ كىناسىن مويىنداۋى، شىعىندى وتەۋى جانە كامەلەتكە تولماعان بالالارى بار ەكەنى ەسكەرىلدى.
سوت وتىرىسى بارىسىندا جاقسىلىق ومار شىن جۇرەكتەن وكىنەتىنىن ايتىپ، تەرگەۋ يزولياتورىندا وتىرعان ۋاقىتتاعى جاعدايلاردى وي ەلەگىنەن وتكىزگەنىن جەتكىزدى.
ەسكە سالساق، 2026 جىلى 13 اقپاندا الەۋمەتتىك جەلىدە جاقسىلىق وماردىڭ ۇستالعانى تۋرالى اقپارات تاراعان. سول كەزدە وڭىرلىك اكىمدىك مۇنداي مالىمەت جوق ەكەنىن حابارلاپ، شەنەۋنىك دەنساۋلىعىنا بايلانىستى ۋاقىتشا دەمالىس العانىن مالىمدەگەن. كەيىن ۇلتتىق قاۋىپسىزدىك كوميتەتى ونىڭ ۇستىنەن تەرگەۋ باستالعانىن حابارلادى.
قازىرگى ۋاقىتتا ءىس سوتتا قارالۋدا.
