ماماندار بۇل وتا وتاندىق مەديتسينادا بالالار اعزاسىن اۋىستىرۋدى دامىتۋعا جول اشتى دەيدى. ەل بويىنشا ءتۇرلى ورگانعا كەزەكتە تۇرعان بالالاردىڭ سانى ءالى دە كوپ، دەپ جازادى
قازىر قوعامنىڭ مايىتتىك دونورعا دەگەن كوزقاراسى بىرتىندەپ وزگەرە باستاعان. قايتىس بولعاننان كەيىن اعزاسىن ءومىر سىيلاۋ ءۇشىن بەرۋگە نيەت بىلدىرگەن ادامداردىڭ سانى جىل سايىن ارتىپ كەلەدى. ماسەلەن، بىلتىر 133 مىڭنان استام ادام قارسى بولسا، 13 مىڭعا جۋىق ادام كەلىسىم بەرگەن. بيىل ولاردىڭ سانى 14 مىڭنان استى. وكىنىشكە قاراي، دونورعا مۇقتاج بالالاردىڭ سانى ءوسىپ بارادى.
"2025 جىلدىڭ اياعىنا قاراي 123 بالا تۇرعان. ءبىرىنشى كۆارتالدا 119 بالا تۇر. سونىڭ ىشىندە 6-ى جۇرەككە مۇقتاج، سانى 7 بولعان، جاقىندا ترانسپلانتاتسيا جاسالىپ، التاۋى قالدى. قالعان 90% دەپ ايتۋعا بولادى، ول بۇيرەككە مۇقتاج. 21% باۋىرعا مۇقتاج بولىپ كەلەدى", - دەيدى رەسپۋبليكالىق ترانسپلانتاتسيانى ۇيلەستىرۋ ورتالىعى ديرەكتورىنىڭ ورىنباسارى نازگۇل جىلگەلدينا.ەلىمىزدە دونورعا مۇقتاج رەتىندە رەسمي تىركەلگەندەر سانى 4,5 مىڭنان استى. ولاردىڭ باسىم بولىگى – بۇيرەككە، كەيىن باۋىر مەن جۇرەككە كەزەگىن كۇتكەندەر.
قازاقستاندا ارنايى مەديتسينالىق اقپاراتتىق جۇيە جۇمىس ىستەيدى: رەتسيپيەنتتى اۆتوماتتى تۇردە تاڭداپ، ادامدى ارالاستىرمايدى. ياعني، ءاربىر دونوردىڭ اعزاسى ءدال سول ادامعا جەتەتىنىن سەنىممەن ايتۋعا بولادى. سوندىقتان 4,5 مىڭ ادام كۇندە "دونور تابىلادى" دەگەن ۇمىتپەن ويانادى.
