رەسەي مەن سيريا اسكەري ىنتىماقتاستىقتىڭ بولاشاعىن ايقىندايتىن ءوزارا تۇسىنىستىك تۋرالى مەموراندۋمعا قول قويدى. قۇجاتقا سايكەس، رەسەيدىڭ حمەيميم مەن تارتۋس قالالارىنداعى اسكەري نىساندارىنىڭ مارتەبەسى وزگەرتىلەدى، دەپ حابارلايدى "ادىرنا".
سيريانىڭ سىرتقى ىستەر مينيسترلىگىنىڭ مالىمەتىنشە، مەموراندۋمعا قول قويۋعا دەيىن تاراپتار ءبىر جارىم جىل بويى كەلىسسوز جۇرگىزگەن.
جاڭا كەلىسىم بويىنشا، رەسەيدىڭ سيرياداعى اسكەري بازالارى بىرتىندەپ ەكى ەلدىڭ مۇددەسىنە قىزمەت ەتەتىن اسكەري قىزمەتشىلەردى دايارلاۋ جونىندەگى بىرلەسكەن ورتالىقتارعا اينالدىرىلماق.
سيريا تاراپىنىڭ مالىمدەۋىنشە، بۇل قادام ماسكەۋ مەن داماسك اراسىنداعى قارىم-قاتىناستاردا جاڭا كەزەڭنىڭ باستالۋىنا جول اشۋى مۇمكىن.
سونىمەن قاتار، سيرياداعى ازاماتتىق نىسانداردى ەلدىڭ ازاماتتىق اكىمشىلىگىنىڭ باقىلاۋىنا بەرۋ كوزدەلىپ وتىر. ولاردىڭ قاتارىندا حمەيميم اۋەجايى دا بار.
مەموراندۋم تالاپتارىنا سايكەس، اتالعان وزگەرىستەردىڭ بارلىعى ءۇش ايدان اسپايتىن مەرزىم ىشىندە جۇزەگە اسىرىلۋى ءتيىس.
سيريا سىرتقى ىستەر مينيسترلىگى قۇجات ەكى ەل اراسىنداعى ىنتىماقتاستىقتىڭ جاڭا فورماتىن قالىپتاستىرىپ، اسكەري جانە ازاماتتىق نىسانداردىڭ مارتەبەسىن ناقتىلاۋعا مۇمكىندىك بەرەدى دەپ ەسەپتەيدى.
