ۋكراينانىڭ رەسەيلىك استىق تەرمينالدارىنا جاساعان سوققىلارى رەسەيدەگى استىق باعاسىن ارزانداتۋدا. بيداي، ارپا، سۇلى باعاسى ارزانداپ كەتتى.
كەي ايماقتا باعا ءتىپتى 20 پايىزعا قۇلدىراعان. كيەۆ سوققىلاردى ارتتىرسا، رەسەيدەگى استىق باعاسى تومەندەي بەرمەك. ويتكەنى استىقتى سىرتقا ساتۋ مۇمكىندىگى ازايادى (پورتتار سوققى استىندا قالۋدا), ال ديقاندار ءونىمدى جىلدام ساتۋعا تىرىساتىن بولادى.
قازىردىڭ وزىندە قامبالار تولى. سول ءۇشىن رەسەيلىك ديقاندار قازىر ارزانعا بولسا دا استىقتارىن ساتۋعا جانتالاسۋدا.
بۇل ءبىزدىڭ ديقاندار ءۇشىن جاقسى ەمەس-اۋ. سەبەبى ارزان رەسەيلىك استىق ءبىزدىڭ نارىققا كوبىرەك كىرۋى مۇمكىن. ورتالىق ازيادا ءبىزدىڭ استىققا ارزان رەسەيلىك استىق بالاما بولماق.
ۇقساس جاڭالىقتار
