ۋكراينا سىرتقى بارلاۋ قىزمەتىنىڭ باسشىسى رۇستەم ۋمەروۆ رەسەيمەن اراداعى قاقتىعىستى رەتتەۋ ماسەلەسىنە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«اتاپ ايتقاندا، داۋلى ماسەلەلەردىڭ سانى ونداعان تارماقتان 1-2 نەگىزگى ماسەلەگە دەيىن ازايدى. قازىرگى تاڭدا ءدال وسى ماسەلەلەر كەلىسسوزدەردىڭ باستى تاقىرىبى بولىپ وتىر»، – دەدى ۋمەروۆ Axios پورتالىنا بەرگەن سۇحباتىندا.
بۇعان دەيىن ۆلاديمير زەلەنسكي اقش پرەزيدەنتى دونالد ترامپپەن تەلەفون ارقىلى سويلەسىپ، نيۋ-يوركتە كەزدەسۋگە كەلىسكەنىن حابارلاعان بولاتىن.
ماسكەۋ رەسەي، اقش جانە ۋكراينا اراسىنداعى ۇشجاقتى كەلىسسوزدەردى قايتا باستاۋعا دايىن ەكەنىن مالىمدەدى. قازىرگى ۋاقىتتا كەلىسسوزدەردىڭ كەزەكتى كەزەڭىن قازان ايىندا وتكىزۋ مۇمكىندىگى تالقىلانىپ جاتىر. مۇنداي فورماتتاعى الدىڭعى كەزدەسۋ بيىل اقپان ايىندا جەنەۆادا وتكەن ەدى.
