قازاقستان مەگاپوليستەرىندە جانارماي باعاسى بىرنەشە ايلىق تۇراقتىلىقتان كەيىن قايتا وسە باستادى، دەپ حابارلايدى "ادىرنا" ءتىلشىسى.
باعا وزگەرىسى الماتى، استانا جانە شىمكەنتتەگى ءىرى جانارماي قۇيۋ بەكەتتەرىندە بايقالعان.
ەڭ كوپ قىمباتتاعانى – ديزەل وتىنى. اي-92 بەنزينىنىڭ باعاسى دا كەيبىر بەكەتتەردە وسكەن.
الماتىدا اي-92 ءليترى 251–252 تەڭگەگە دەيىن قىمباتتاعان. ديزەل 348–351 تەڭگەدەن ساتىلىپ جاتىر. اي-95 باعاسى 321–328 تەڭگە ارالىعىندا.
استانادا اي-92 باعاسى 245–253 تەڭگە، اي-95 – 312–315 تەڭگە. جازعى ديزەل وتىنىنىڭ باعاسى 338–343 تەڭگەگە جەتكەن.
شىمكەنتتە اي-92 ءليترى 234–236 تەڭگە، اي-95 – 304–307 تەڭگە، ديزەل وتىنى 340–348 تەڭگە تۇرادى.
سالىستىرمالى تۇردە، اي-92 مەن ديزەل باعاسى شامامەن 4–6 تەڭگەگە وسكەن.
ۇقساس جاڭالىقتار
