مەملەكەت باسشىسى قاسىم-جومارت توقاەۆ پرەمەر-مينيستر ولجاس بەكتەنوۆ جانە قۇرىلتاي توراعاسى ايبەك دادەبايمەن بارلىق دەڭگەيدەگى ءماسليحاتتاردىڭ وكىلەتتىگىن مەرزىمىنەن بۇرىن توقتاتۋ ماسەلەسى بويىنشا كونسۋلتاتسيا وتكىزدى. بۇل تۋرالى بۇگىن، 12 قازاندا اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
قاسىم-جومارت توقاەۆ ازاماتتاردىڭ زاڭدى مۇددەلەرىن قامتاماسىز ەتۋ، جەرگىلىكتى بيۋدجەتتەردى بەكىتۋ جانە وڭىرلەردىڭ دامۋىن باقىلاۋ ءۇشىن ءماسليحاتتاردىڭ تولىققاندى جۇمىسىنىڭ ماڭىزدى ەكەنىن اتاپ ءوتتى.
پرەزيدەنت دەپۋتاتتىق كورپۋستى جاڭارتۋ جەرگىلىكتى وكىلدى ورگانداردىڭ قىزمەتىن ەداۋىر كۇشەيتەتىنىنە سەنىم ءبىلدىردى.
قازاقستان رەسپۋبليكاسى كونستيتۋتسياسىنىڭ 88-بابىنىڭ 5-تارماعىنا سايكەس جۇرگىزىلگەن كونسۋلتاتسيالار بارىسىندا پرەمەر-مينيستر ولجاس بەكتەنوۆ پەن قۇرىلتاي توراعاسى ايبەك دادەباي قاراستىرىلىپ وتىرعان ماسەلەگە قاتىستى ءوز ۇسىنىستارىن جەتكىزدى.
كەزدەسۋ قورىتىندىسى بويىنشا پرەزيدەنت كونستيتۋتسيانىڭ نەگىزگى ەرەجەلەرىنە تولىق سايكەس جانە ايتىلعان پىكىرلەردى ەسكەرە وتىرىپ، تۇپكىلىكتى شەشىم قابىلدايتىنىن ايتتى.
