الەمگە ايگىلى ءانشى ديماش قۇدايبەرگەننىڭ قازاق تىلىنە جاناشىرلىق تانىتىپ، انا ءتىلىمىزدى قۇرمەتتەۋدى ۇيرەنەيىك دەپ ۇندەۋ جاساعان ۆيدەوسى الەۋمەتتىك جەلىلەردە تاراپ كەتتى، دەپ حابارلايدى «ادىرنا» ۇلتتىق پورتالى.
بۇل ۇندەۋ بەينەماتەريال You Tube جەلىسىنە 7 اي بۇرىن جۇكتەلگەن ەكەن.
"قۇرمەتتى وتانداستار، جەرلەستەر! بۇگىنگى كورىپ وتىرعان باعدارلامالارىڭىز ءتىل ماسەلەسى توڭىرەگىندەگى تاقىرىپتى قوزعاعانى ەرەكشە قۋانتتى. نەگە دەسەڭىز، قانى قازاق، جانى قازاق ازامات رەتىندە، پاتريوت ەسەبىندە مەنىڭ ۇلكەن جۇرەك قالاۋلارىمنىڭ ءبىرى ەلىمىزدىڭ بارلىق ازامات-ازاماتشالارى ءوزىمىزدىڭ انا تىلىمىزدە ياعني قازاق تىلىندە تازا، ەمىن-ەركىن، ادەبي نورماعا ساي سويلەسە كەرەمەت ەمەس پە؟
«انا ءتىلىڭ ارىڭ بۇل،
ۇياتىڭ بوپ تۇر بەتتە.
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە»،- دەگەن اسىل ءسوز بار ەمەس پە؟
الەم ەلدەرى ءوز تىلدەرىن جاقسى كورىپ، قاتتى قۇرمەتتەيدى عوي...",- دەپ ايتتى ديماش قۇدايبەرگەن.
"ادىرنا" ۇلتتىق پورتالى
