وسكەمەندە 3 بالانىڭ اناسى جوعالىپ كەتتى، دەپ جازادى "ادىرنا" ۇلتتىق پورتالى. بۇل تۋرالى altaynews.kz سايتى حابارلادى.
1975 جىلعى تۋعان سادىكوۆا ءسانيا كادىرحانقىزى 12 تامىز كۇنى شامامەن ساعات 18 – 19.00 شاماسىندا جوعالعان.
ءسانيا ءۇي ارلەۋ، ەۋروجوندەۋمەن جۇمىستارىمەن اينالىسادى. 12 تامىز كۇنى كەشكە وسكەمەندەگى بۋلۆار گاگارين كوشەسى اۋماعىنداعى ءبىر ۇيدەگى تاپسىرىستى اياقتاپ، 60 مىڭ تەڭگە الىپ ۇيىنە قايتقان. سودان بەرى حابار-وشارسىز. ۇيىندە جاقىندار مەن 3 بالاسى كۇتىپ وتىر. باسىندا ورامالى، جىلتىر كەپكا، ۇستىندە اق سپورتتىق كيىم جانە اق سپورتتىق اياق كيىمى بار. جاقىندارىنىڭ ايتۋىنشا، جوعالعان ايەل ءدىن جولىندا ەكەن. ىشىمدىككە نەمەسە باسقا دا ادەتتەرگە ءۇيىر ەمەس.
پوليتسيا جوعالعان ايەل تۋرالى قانداي دا ءبىر مالىمەت بىلەتىن ادام بولسا، دەرەۋ 102 جەلىسى بويىنشا حابارلاسۋدى سۇرايدى.
"ادىرنا" ۇلتتىق پورتالى
