ەكىجاقتى ىنتىماقتاستىق شەڭبەرىندە جانە قازاقستان رەسپۋبليكاسى پرەزيدەنتىنىڭ 2009 جىلعى 30 قاراشاداعى № 895 جارلىعىمەن بەكىتىلگەن ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ قۇقىق قورعاۋ، ورتكە قارسى، اۆاريالىق-قۇتقارۋ ورگاندارى مەن ارنايى قىزمەتتەرى ءۇشىن كادرلار دايارلاۋ تۋرالى كەلىسىمگە سايكەس جىل سايىن رەسەي فەدەراتسياسى ءىىم جوو-لارىندا قازاقستان رەسپۋبليكاسىنىڭ ءىىم ءۇشىن وقۋعا كۆوتا بولىنەدى.
قازاقستان رەسپۋبليكاسى ءىىم جوو قابىلداۋ كوميسسيالارىمەن وقۋعا ءتۇسۋ ەمتيحاندارىنان وتكەن جانە ىرىكتەۋ بارىسىندا جوعارى كورسەتكىشتەردى كورسەتكەن 20 ۇمىتكەر ىرىكتەلىپ الىندى.
اعىمداعى جىلى رەسەي ءىىم جوو-لارىندا جوعارى ءبىلىم بەرۋ باعدارلاماسى بويىنشا قازاقستان رەسپۋبليكاسى ءىىم-ءنىڭ 20 قىزمەتكەرىن وقۋعا قابىلداۋ جوسپارلانعان. ولار، اتاپ ايتقاندا، رەسەي ءىىم كراسنودار ۋنيۆەرسيتەتىندە; رەسەي ءىىم ۆولگوگراد اكادەمياسىندا; رەسەي ءىىم نيجني نوۆگورود اكادەمياسىندا; رەسەي ءىىم ۆورونەج ينستيتۋتىندا; رەسەي ءىىم ءسىبىر زاڭ ينستيتۋتىندا; رەسەي ءىىم ۆ.يا.كيكوتيا اتىنداعى ماسكەۋ ۋنيۆەرسيتەتىندە; رەسەي ءىىم سانكت-پەتەربۋرگ ۋنيۆەرسيتەتىندە وقيتىن بولادى.
كادر جۇمىسى دەپارتامەنتى باستىعىنىڭ 2018 جىلعى 22 تامىزداعى بۇيرىعىمەن رەسەي ءىىم جوو-لارىنا وقۋعا جولداناتىن قىزمەتكەرلەرگە كىشى باسشى قۇرامنىڭ «قاتارداعى پوليتسەي» ارناۋلى اتاعى بەرىلدى.
مينيسترلىكتىڭ باسشىلىعى ەلىمىزدە قۇقىق ءتارتىبىن قامتاماسىز ەتە الاتىن جانە قىلمىستىلىقپەن ءتيىمدى كۇرەس جۇرگىزە الاتىن جوعارى بىلىكتى مامانداردىڭ دايارلانۋىنا ەرەشە نازار اۋدارادى.
رەسەي ءىىم وقۋ ورىندارىن بىتىرگەن ءبىزدىڭ تۇلەكتەر قازاقستاننىڭ ءىىو قىزمەتكەرلەرى قاتارىندا لايىقتى ورىنعا يە، پوليتسەيلىك قىزمەتتىڭ جاۋاپتى جانە كۇردەلى ۋچاسكەلەرىندە قىزمەت اتقارۋدا.
رەسەيگە جولداناتىن كۋرسانتتار ءوز اتىنان قازاقستان رەسپۋبليكاسىن لايىقتى كورسەتە بىلەرىنە سەنىم زور. وسىعان بايلانىستى ءبىزدىڭ وكىلدەردەن ءتارتىپ پەن زاڭدىلىقتى قاتاڭ ساقتاۋ، وقۋعا دەگەن جاۋاپكەرشىلىك تالاپ ەتىلەدى، دەپ حابارلاما تاراتتى قازاقستان رەسپۋبليكاسى ءىىم ءباسپاسوز قىزمەتى.
