سوعىس بولىپ جاتقان ۋكراينادا ءبىزدىڭ ەلدەگىدەي كوپ سارباز ءولىپ جاتقان جوق! “اشتان، شولدەن ءولدى “،-دەگەن دياگنوزدى ەستىپ، كوشەگە شىعىپ ايقايلاعىم كەلىپ وتىر!
ىزام كەلىپ، وكىسىگىم وكپەمە تولىپ تۇر! ادام ءومىرىن جوعارى قويمايتىن سورلى ەل ەكەنىمىزگە قانىم قايناپ جاتىر! بەيبىتشىلىك زاماندا جاستارىمىزدى ساقتاي الماي ءوزىمىز قولدان ءولتىرىپ وتىرمىز!
“ايگۇل ەموتسياعا بەرىلمە، ءبارى دۇرىس بولادى”دەيتىن شىعارسىزدار… ايتىڭدارشى تاعى قانشا سارباز ءولۋ كەرەك؟! الدە حالىقتىڭ اشۋىن تۋعىزۋ ءۇشىن اي سايىن ءبىر ساربازدى ءولتىرىپ تۇرىڭدار دەگەن بۇيرىق كەلدى مە ەكەن؟ نە بولىپ كەتتى؟
مينيستر رۋسلان جاقسىلىقوۆ بارسىز با؟ شىقساڭىزدارشى ىندەرىڭىزدەن، مال ەمەس ادام ءولىپ جاتىر عوي! ءبىر ءۇيدىڭ ۇرپاعىن جالعاستىرۋشى، جالعىز تۇياعى ءولىپ وتىر عوي. “ولگەن ادام سويلەمەيدى”،- دەپ، ولگەن ادامعا جابا سالماي شىندىقتى شىعىپ ايتساڭىزشى جاقسىلىقوۆ!
قاشانعى ۇندەمەي وتىراسىز؟ گەنەرالسىز با؟ كۇرەسسەڭىزشى وتان ءۇشىن قىزمەت جاساپ جاتقان ساربازدار ءۇشىن! اسكەردەگى ءالىم جەتتىك، ءولىم جەمقورلىقتىڭ كەسىرى ەكەنىن كورسەتسەڭىزشى ەلگە!
بۇكىل اسكەرگە بولىنەتىن تەندەرلەرگە پروكۋرور، ۇقك، پرەزيدەنت اكىمشىلىگىندە ىستەيتىندەردىڭ تۋىسقاندارى وتىرىپ العانىن اشىق ايتساڭىزشى مينيستر مىرزا!
سارباز اشتان ولەتىندەي تاماققا بولىنگەن ميللياردتاردى كىم جەپ وتىر؟
"ادىرنا" ۇلتتىق پورتالى
