بەلگىسىز ەر ادام الماتى اۋداندىق جانە قالالىق سوتتارىنىڭ، سونداي-اق الماتى وبلىسى وبلىستىق سوتىنىڭ جانە تالدىقورعانداعى مامانداندىرىلعان اۋدانارالىق اكىمشىلىك سوتىنىڭ ەلەكتروندىق پوشتاسىنا بومبا قويىلعانى تۋرالى حات جولدادى، دەپ حابارلايدى "ادىرنا" ءتىلشىسى Polisia.kz سايتىنا سىلتەمە جاساپ.
ول بيلىككە بوپسالاۋ شارتتارىن قويعان. ءدال قازىر تەكسەرۋ جۇمىستارى جۇرگىزىلىپ، اقپاراتتىڭ جالعان ەكەندىگى انىقتالدى. جەدەل ىزدەستىرۋ توبى ىسكە كىرىسكەنى مالىمدەلدى.
وتكەن جىلمەن سالىستىرعاندا مۇنداي حابارلامالار بويىنشا 68%-عا كوپ قىلمىستىق ءىس قوزعالدى. 101 ءىستىڭ تەك 12-سىندە عانا قىلمىس قۇرامىنىڭ بولماۋىنا بايلانىستى ءىس توقتاتىلدى.
جىل باسىنان بەرى "مينالاۋ" ءۇشىن 11 ادام سوتتالدى، ونىڭ 6-ى - باس بوستاندىعىنان ايىرىلدى.
كەيبىر جاعدايلاردا "بومبالاۋشىلار" شەتەلدەن بولىپ كەلەدى.
شەتەلدىك سەرىكتەستەردەن مالىمەتتەردى قر باس پروكۋراتۋراسى ارقىلى الۋىنا قاراي شەت ەلدەردىڭ قۇقىق قورعاۋ ورگاندارىنا حالىقارالىق تەرگەۋ تاپسىرمالارى ىسكە اسىرىلادى. مۇنداي تاپسىرمالار رەسەي، شۆەيتساريا، مالايزيا جانە ۋكرايناعا جىبەرىلدى.
"ادىرنا" ۇلتتىق پورتالى
