اقتاۋ تۇرعىندارى اقتاۋ قالاسىنىڭ اكىمى نۇرداۋلەت قيلىباي مەن نۇرلان نوعاەۆقا سۋسىز وتىرعاندارىن ايتىپ، ۆيدەوۇندەۋ جولدادى، دەپ حابارلايدى “ادىرنا” ۇلتتىق پورتالى.
تۇرعىنداردىڭ ايتۋىنشا، تۇرعىن ءۇي قۇرىلىسى كەزىندە ءتيىستى مەكەمەلەرمەن كەلىسىم شارتقا وتىرىلماعاندىقتان سۋدىڭ زاردابىن تارتىپ وتىر.
ء“بىز 32ۆ 83 ءۇي تۇرعىنى بولامىز. بۇگىن 1 ءشى قىركۇيەك، بۇل تۇرعىن ءۇي كەشەنىندە سۋدان ايىرىلىپ وتىرمىز. 180 ادام ، 70-كە جۋىق پاتەر، كوپ بالالى انالار، قاراپايىم وتباسىلار سۋسىز قالىپ وتىر.
بۇل بىرىنشىدەن، زاسترويششيك يپ كاتاەۆا سالعىرتتىعىنان. انىعىراق سونىڭ كەسىرىنەن بولىپ وتىر. 5 جىلدان بەرى ءۇيدىڭ قۇجاتتارى مۇلدەم دۇرىس ەمەس. ءتيىستى مەكەمەلەرمەن كەلىسىم-شارتقا وتىرىلماعاندىقتان، وسىنداي جاعدايعا قالىپ وتىرمىز”،- دەدى تۇرعىندار.
بۇل اقتاۋ تۇرعىندارىنىڭ ءبىرىنشى رەت سۋسىز قالىپ وتىرعانى ەمەس. مۇنداي جاعداي ءجيى بولىپ تۇرادى، شىدامنىڭ دا شەگى بار، دەيدى تۇرعىندار.
“بۇل كورىپ وتىرعانىمىز ءبىرىنشى رەت ەمەس. ءۇيدىڭ ەسكيزى دە، پروەكتىسى دە تۇرعىندارعا ايتىلعاننان مۇلدەم باسقاشا. ەڭ باستى ماسەلە، بۇل - سۋدان ايىرىلعاندىعىمىز بولىپ وتىر”،- دەدى ولار.
”ادىرنا” ۇلتتىق پورتالى
