مۇحتار ءابىليازوۆتىڭ تاعى ءبىر سىبايلاسى حالىقارالىق ىزدەستىرۋدەن ەلگە قايتارىلدى. بۇل تۋرالى انتيكور جازدى، دەپ حابارلايدى «ادىرنا» ءتىلشىسى.
«بتا-بانك» اق بۇرىنعى توپ-مەنەدجمەنتىنە قاتىستى قىلمىستىق ءىس بويىنشا 2011 جىلدان باستاپ «جاڭا قالقامان» جشس اتاۋلى ديرەكتورى پاك ۆيتالي لەونيدوۆيچ ىزدەۋدە بولدى.
2006-2008 جىلدار كەزەڭىندە وسى كومپانيانى زاڭسىز نەسيەلەۋ ارقىلى مۇحتار ءابىليازوۆ پەن ونىڭ سىبايلاستارى 8,9 ملرد. تەڭگەدەن استام سوماعا اقشالاي قاراجاتتى ۇرلادى.
2019 جىلى پاك قحر (چەندۋ ق.) اۋماعىندا انىقتالدى»،—دەلىنگەن حابارلامادا.
كۇدىكتىنىڭ جاقىن تۋىستارىمەن جانە ادۆوكاتىمەن ءتيىستى ءتۇسىندىرۋ جۇمىستارى جۇرگىزىلگەننەن كەيىن، پاك قازاقستانعا ورالۋعا نيەت ءبىلدىرىپ، ول تۋرالى جازباشا ءوتىنىش جولدادى.
ءۇ.ج. 27 تامىزدا قر ءىىم ينتەرپولدىڭ كومەگىمەن پاك چەندۋ قالاسىنان الماتى قالاسىنا كەلىپ، تەرگەۋ يزولياتورىنا قامالدى.
سوتقا دەيىنگى تەرگەۋ جالعاسۋدا.
