ەكى اعايىندىنىڭ ءبىر-بىرىمەن قوشتاسقان بەينەجازباسى جۇرتتىڭ جۇرەگىن ەلجىرەتتى. ونى گۇلداريا داندينا ەسىمدى جەلى قولدانۋشىسى جۇكتەدى، دەپ حابارلايدى «ادىرنا» ءتىلشىسى.
«اپكەسى مەن ءىنىسى. بىرەۋى 90 جاستا، ال ەندى بىرەۋى 87-دە. اجە رەسەيدە، اتا قازاقستاندا تۇرادى. ولار جاقىن ۋاقىتتا كورىسكەنشە دەپ ءبىر-بىرىمەن قوشتاسىپ جاتىر. قارتتار كوزدەرىنە جاس الدى، سەبەبى ەشقاشان جولىقپاۋلارى مۇمكىن»،— دەلىنگەن ۆيدەونىڭ سيپاتتاماسىندا.
بۇل كورىنىس كوپشىلىكتى بەي-جاي قالدىرمادى.
«مەن دە جىلاپ وتىرمىن»، «عۇمىر جاستارى ۇزاق بولسىن»، «جاقىندارىمىزدىڭ اماندىعىن تىلەيمىن»،–دەپ ءتۇرلى پىكىر قالدىردى جەلى قولدانۋشىلارى.
وكىنىشكە قاراي، حالىقتىڭ جۇرەگىن جاۋلاعان اتا عالىمجان رايسوۆ بەينەجازبا جۇكتەلگەننەن كەيىن بىرنەشە كۇن وتكەن سوڭ قايتىس بولدى. قارالى حاباردى ونىڭ نەمەرەسى جەتكىزدى.
«اتام ءۇشىن دۇعا وقىڭىزدارشى»،—دەدى ول.
<
