الماتى وبلىسىنىڭ اقپاراتتىق الاڭىندا مەملەكەت باسشىسى قاسىم-جومارت توقاەۆتىڭ جولداۋىن ىسكە اسىرۋ بويىنشا قر ەڭبەك جانە حالىقتى الەۋمەتتىك قورعاۋ مينيسترلىگىنىڭ مىندەتتەرى تالقىلانعان ءباسپاسوز ءماسليحاى ءوتتى.
سپيكەرلەردىڭ ايتۋىنشا، جولداۋدا حالىقتى الەۋمەتتىك قولداۋ جۇيەسىنىڭ تيىمدىلىگىن ارتتىرۋ بويىنشا جاڭا شارالار پاكەتى ۇسىنىلعان. زەينەتاقى جۇيەسىن جەتىلدىرۋگە جانە وتباسىلاردى الەۋمەتتىك قولداۋ ءۇشىن قولدانسقا جاڭا ادىستەردى ەنگىزىلگەن. ونى جۇزەگە اسىرۋ ءۇشىن ناقتى مىندەتتەر قويىلدى.
بريفينگتە «مەملەكەتتىك الەۋمەتتىك ساقتاندىرۋ قورى» اق الماتى وبلىسى بويىنشا فيليالىنىڭ باسشىسى ەرلان امانباەۆ، قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك جانە الەۋمەتتىك قورعاۋ كوميتەتىنىڭ الماتى وبلىسى بويىنشا دەپارتامەنتىنىڭ باسشىسى ايدىنجان نارماتوۆ، ۇيلەستىرۋ جانە جۇمىسپەن قامتۋ باسقارماسىنىڭ باسشىسى ايگۇل احمەتوۆا باياندامالارىمەن تانىستىردى.
سپيكەر ايدىنجان نارماتوۆ ەلىمىزدە وتباسىنىڭ تسيفرلىق كارتاسىن ەنگىزۋ كەزەڭدەرى، زەينەتاقى تولەمدەرىن ارتتىرۋ، بجزق-نىڭ جاڭا ينۆەستيتسيالىق ستراتەگياسىن ازىرلەۋ جايىندا ەگجەي-تەگجەيلى ايتىپ بەردى.
«ءىس جۇزىندە كارتا - بۇل ازاماتتاردىڭ الەۋمەتتىك مارتەبەسىنە بايلانىستى كەپىلدى مەملەكەتتىك قولداۋدىڭ قانداي دا ءبىر ءتۇرىن الۋعا قۇقىقتارى تۋرالى ولاردىڭ كۇن سايىنعى «ەلەكتروندىق حابارلاۋشىسى». مەملەكەتتىڭ قىزمەت كورسەتۋىنىڭ پرواكتيۆتى فورماتىنىڭ تاعى ءبىر جاڭا قۇرالى. ياعني، مەملەكەت اقپاراتتىق جۇيە ارقىلى ازاماتقا ءتيىستى ورگاندارعا جۇگىنۋ قاجەتتىلىگىنسىز مەملەكەتتىك قولداۋدىڭ قانداي دا ءبىر ءتۇرىن الۋدى ءوزى ۇسىناتىن بولادى. باستاپقى كەزەڭدە مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرى نەگىزىندە وتباسىلاردىڭ ءال-اۋقاتىنىڭ دەڭگەيىن جانە ولارعا ءتيىستى مەملەكەتتىك قولداۋ شارالارىن ايقىنداۋ بويىنشا جۇمىس جۇرگىزىلدى. بۇگىندە تسيفرلىق كارتادا شامامەن 6 ميلليون وتباسى جانە 19 ميلليون ولاردىڭ مۇشەسى تۋرالى دەرەكتەر قامتىلعان جانە «وتباسى پورترەتى» دەپ اتالاتىن دەرەكتەر قالىپتاستىرىلعان. كارتا دەرەكتەرى وتباسى مەن ونىڭ مۇشەلەرىنىڭ مارتەبەسى وزگەرگەن سايىن جاڭارتىلىپ وتىرادى»، - دەپ اتاپ ءوتتى سپيكەر.
سونىمەن قاتار، سپيكەرلەر جاڭا ۇسىنىستارعا جەكە توقتالىپ، كەزەڭ-كەزەڭمەن ەنگىزۋ بارىسى تۋرالى باياندادى.
ايتا كەتەرلىگى، بالا كۇتىمى كەزەڭى 1 جاستان 1,5 جاسقا دەيىن ۇلعايادى.
بۇل نورما جۇمىس ىستەيتىن جانە جۇمىس ىستەمەيتىن اتا-انالارعا دا قاتىستى بولماق. بۇل قۇقىقتى جارتى ميلليونعا جۋىق اتا-انا پايدالانادى. بۇل رەتتە بالا كۇتىمى بويىنشا جاردەماقى تولەۋگە ۇمىتكەر ءاربىر اتا-انا ونىڭ الەۋمەتتىك ساقتاندىرۋ جۇيەسىنە قاتىسۋ ءوتىلى نەعۇرلىم كوپ بولسا، تولەم مولشەرى سوعۇرلىم جوعارى بولاتىنىن ءبىلۋى ءتيىس. ول بۇگىندە ماسق-قا اۋدارىمدار جۇرگىزىلگەن تابىستىڭ 40% - ىن قۇرايدى. جۇمىس ىستەمەيتىن اتا-انالار نەمەسە بالا تۋىلعانعا دەيىنگى سوڭعى ەكى جىلدا 6 ايدان كەم جۇمىس ءوتىلى بار ادامدار جاردەماقى مەن تولەمدەرگە تەك مەملەكەتتىك بيۋدجەتتەن عانا ۇمىتكەر بولا الادى.
- ايەلدەر زەينەتكە 61 جاسىندا شىعاتىن بولادى.
ياعني، 2023 جىلدان باستاپ ايەلدەردىڭ زەينەتكەرلىك جاسىن 61 جاس دەڭگەيىندە ارتتىرۋدى جوسپارلانعان 5 جىلعا توقتاتىلماق.
- ەلىمىزدە زەينەتاقى تولەمدەرى ارتادى.
2023 جىلدىڭ 1-ءى قاڭتارىنان باستاپ 2027 جىلعا دەيىن ەڭ تومەنگى بازالىق زەينەتاقى مولشەرىن ەڭ تومەنگى كۇنكورىس دەڭگەيىنىڭ 54% – ىنان 70% - عا دەيىن، ەڭ جوعارى-تيىسىنشە 100% - دان 120% - عا دەيىن جەتكىزۋ. وسى كەزەڭدە بازالىق زەينەتاقى مولشەرى ورتا ەسەپپەن 51% - عا دەيىن ارتپاق. بازالىق زەينەتاقىنىڭ ورتاشا مولشەرىنىڭ جىل سايىنعى ءوسۋى شامامەن 13% - عا جەتپەك. بۇل بارلىق 2 ميلليون زەينەتكەرگە قاتىستى بولادى. ۇسىنىلىپ وتىرعان شارالار 2025 جىلعا قاراي جيىنتىق زەينەتاقىنى ورتا ەسەپپەن 27% - عا ارتتىرۋعا مۇمكىندىك بەرەدى.
