"رەسەي ازاماتتارىنىڭ ءبىزدىڭ شەكارامىزدى كەسىپ وتۋىنە جول بەرمەي، قاتال ۆيزالىق رەجيم ەنگىزۋىمىز كەرەك!" بۇل تۋرالى بەلگىلى كاسىپكەر، قوعام بەلسەندىسى ارمان شوراەۆ مالىمدەدى، دەپ جازادى "ادىرنا" ۇلتتىق پورتالى.
"رەسەيدىڭ الجىعان پرەزيدەنتى موبيليزاتسيا جاريالادى. ەگەر قاجەت بولسا مەن "يادرولىق قارۋدى" قولدانامىن دەدى. بۇل بلەف ەمەس دەپ قايتالاپ، ءاديى توقتالىپ ءوتتى. بۇل جاعدايدا ءبىز رەسەيمەن نەشە ءتۇرلى ودكب، ەۆرازەس، كەدەندىك وداق بارىنەن جەدەل تۇردە باس تارتۋىمىز كەرەك! پرەزيدەنتىمىز جاقىن ارادا سونداي شەشىمگە قول جەتكىزۋى كەرەك!",- دەيدى شوراەۆ.
ارمان شوراەۆ پۋتين بۇل سوعىستا جەڭىلىس تاپقانىنا توقتالىپ، رەسەيلىكتەردى قازاقستانعا كىرگىزبەۋ كەرەكتىگىن اتاپ ءوتتى.
"سونىمەن قاتار بۇكىل شەكارامىزدا رەسەيدىڭ ازاماتتارى ءۇشىن قاتال ۆيزالىق رەجيم ەنگىزۋىمىز كەرەك. ويتكەنى، 18-60 دەيىن رەسەيدىڭ ەر ازاماتتارى ءبارى قازاقستانعا قاشۋدى ءجون كورەدى ەكەن. وسى الدىمىزداعى 5-6 كۇندە بىرنەشە مىڭ ادام ءبىزدىڭ شەكارانى كولىكپەن دە، جاياۋ دا كەسۋگە تىرىسادى. وعان جول بەرمەۋىمىز كەرەك. ۋكراينا جەڭەدى! بۇگىن ءپۋتيننىڭ جاريالاعان جوسپارلارى سول جەڭىلىستىڭ ەڭ مىقتى، ادەمى كورىنىسى. ۋكراينا العا! قازاقستان العا!", - دەدى ارمان شوراەۆ.
"ادىرنا" ۇلتتىق پورتالى
