سايxىندا وتكەن سەمينار

2073
Adyrna.kz Telegram

باتىس قازاقستان وبلىسىنىڭ بوكەيوردا اۋدانىنىڭ سايحىن ەلدى-مەكەنىنىڭ س.باباجانوۆ اتىنداعى مەكتەبىندە جاستاردى الەۋمەتتىك دامىتۋ جوباسى بويىنشا سەمينار-ترەنينگ ءوتتى. ىشكى ساياسات ءبولىمى، جاستار رەسۋرستىق ورتالىعى، اۋداندىق ءبىلىم بەرۋ ءبولىمىنىڭ ماماندارى، مەكتەپ جانە كوللەدج ۇستازدارى، جالپى 30-دان استام ادام قاتىستى. 
اتاۋلى شارا وتكەن مەكتەپتىڭ ۇستازدارى جوباعا وتە قاتتى قىزىعۋشىلىق تانىتىپ، بالالارىن 6 باعىت بويىنشا وتەتىن بايقاۋعا قاتىستىرۋعا ۋادە ەتتى.

بوكەيوردا اۋدانى وبلىستىڭ ەڭ شالعاي جاتقان اۋداندارىنىڭ ءبىرى. دەگەنمەن، باتىس قازاقستان وبلىستىق اكىمشىلىگى وسى اۋدانعا تىكە باراتىن ساپالى كۇرە جول سالىپ جاتقانى ءبىر قۋانتىپ تاستادى. ويتكەنى جاۋىن-شاشىندا شالعاي اۋدانداردىڭ ءبىر-بىرىمەن قاتىناۋى قيىنعا سوعادى ەكەن.
سەمينار-ترەنينگ بارىسىندا جوبانىڭ ماقساتى، نىساناسى، جۇزەگە اسىرىلۋ تاسىلدەرى تۋرالى ءدارىس تىڭداعان قاتىسۋشىلارعا ارنايى سەرتيفيكاتتار تابىس ەتىلدى. اۋداندىق ءبىلىم بەرۋ ءبولىمىنىڭ تاربيە ءىسى بويىنشا ادىسكەرى ايساعاليەۆا جانارگۇل سەردەگاليەۆنا بوكەيوردا اۋدانى بويىنشا جوبانى جۇزەگە اسىرۋعا جاۋاپتى مامان بولىپ بەكىتىلدى.


بۇل جوبا "ادىرنا" ۇلتتىق-ەتنوگرافيالىق بىرلەستىگىنىڭ ۇيىمداستىرۋىمەن قر قوعامدىق دامۋ مينيسترلىگى مەن "ازاماتتىق باستامالاردى قولداۋ ورتالىعىنىڭ" قولداۋىمەن جۇزەگە اسىرىلىپ جاتقانىن اتاپ ايتقان ءجون.

ارمان سەرىكۇلى،

"ادىرنا" ۇلتتىق-ەتنوگرافيالىق بىرلەستىگىنىڭ ديرەكتورى

پىكىرلەر