الماتىدا رۋxاني كەلىسىم كۇنىنە ارنالعان كەشەندى ءىس-شارا ءوتتى

2343
Adyrna.kz Telegram

سوناۋ ساق، عۇن، كونە تۇرىك قاعاندىقتارىنىڭ سول زاماندارداعى ءدىني تولەرانتتىلىعى جايىندا شەتەلدىك جازبا دەرەكتەرى مەن ارxەولوگيالىق ماتەريالدار جەتكىلىكتى. ۇلى دالانى كوكتەي وتكەن ۇلى جىبەك جولىنا قاتىستى ارxەولوگيالىق ماتەريالدار دا ءبىزدىڭ جەرىمىزدىڭ ءتۇرلى مادەني الماسۋلار مەن ميسسيونەرلىك ءدىني اعىمداردىڭ توعىسۋلار مەكەنى بولعانىن ايعاقتايدى.

"ماڭگىلىك ەل" يدەياسىن تۋ ەتكەن ەلباسىمىز ن.ءا. نازارباەۆ سول بابالار سالعان دارا جولدىڭ جالعاسىنداي زايىرلى مەملەكەتتىڭ ۇستانىمدارىن قالىپتاستىردى. ەلىمىزدەگى بارلىق ءدىن وكىلدەرى تەڭ.

ولاردىڭ ءبىر-بىرىنە دەگەن ءوزارا سىيلاستىعىن، ءبىر جيىندا باس قوسىپ پىكىر الماسۋ مادەنيەتىن قالىپتاستىرۋى ءدىني راديكاليزمنىڭ الدىن الۋدىڭ ءتيىمدى جولى.

جاقىندا الماتى قالاسى ءدىن ىستەرى جونىندەگى باسقارماسىنىڭ قولداۋىمەن "ادىرنا" ۇلتتىق-ەتنوگرافيالىق بىرلەستىگىنىڭ ۇيىمداستىرۋىمەن رۋxاني كەلىسىم كۇنىنە ارنالعان كەشەندى ءىس-شارا ءوتتى.

ءىس-شارانى الماتى قالاسى ءدىن ىستەرى جونىندەگى باسقارما باسشىسى ايدار ەسەنبەكوۆجۇرگىزدى. ەل تۇتاستىعى مەن دىنارالىق بىرلىكتى نىعايتۋعا، قازاق ۇلتىنىڭ مادەني قۇندىلىقتارىن ناسيxاتتاۋعا ۇلەس قوسقان كىسىلەر سالتاناتتى تۇردە باعالى سىيلىقتارمەن، الماتى قالاسى اكىمدىگىنىڭ العىس xاتتارىمەن ماراپاتتالدى.

سالتاناتتى ءىس-شارانىڭ ارنايى قوناقتارى ءسوز سويلەپ، پىكىر الماستى.

پاستور گەنادي، ەۆانگەليستىك ليۋتەراندىق شىركەۋى: بۇگىن شىنىندا دا وتە ماڭىزدى كۇن. ءوز باسىم بىرنەشە شەت ەلدەردە بولدىم. رۋحاني كەلىسىم كۇنى ەش مەملەكەتتە جوق. مەن بۇل ءسوزىمدى سەنىمدى تۇردە ايتىپ تۇرمىن.

مانسۋروۆ كازبەك ۆلاديميروۆيچ: مەن الماتى قالاسىنداعى قازاقستان حالقى اسسامبلەياسىنىڭ توراعاسىنىڭ ورىنباسارىمىن. ءارى وسەتين ەتنومادەني بىرلەستىگىن باسقارامىن. ۇلتارالىق دوستىق قازاقستاندا ەرەكشە ورىن الادى. ءبىزدىڭ ەلىمىزدە زاڭ جۇزىندە بارلىق ۇلتتاردىڭ دامۋىنا جاعداي جاسالىنعان. بۇل وتە باعا جەتپەس قۇندىلىق ەكەنىن ءتۇسىنۋىمىز كەرەك.

الەكساندر اناتولەۆيچ سۋۆوروۆ، پرويتەرەي، قازاقستانداعى پراۆوسلاۆيالىق شىركەۋدىڭ قوعاممەن قاتىناسى ءبولىمىنىڭ توراعاسى:  قازاقستاندا رۋحاني كەلىسىم كۇنىنىڭ بولۋى وتە ماڭىزدى. بۇل قازاقستاندا ءومىر ءسۇرىپ جاتقان ۇلتتار مەن ءتۇرلى ءدىني سەنىمدەر وكىلدەرىنىڭ اراسىنداعى قارىم-قاتىناسىنىڭ وزىندىك ەرەكشەلىگى بار مودەلى. ءبىزدىڭ بۇل جاعىنان العاندا باسقا مەملەكەتتەرگە ۇلگى ەكەنىن ماقتانىشپەن ايتۋعا بولادى.

شارا اياسىندا تاقىرىپتىق كىتاپ كورمەسى ۇيىمداستىرىلدى. ءىس-شارا سوڭىندا ءتۇرلى ءدىن وكىلدەرى مەن قوعام قايراتكەرلەرى ماسانچى كوشەسىندەگى گۇلزارعا شىرشا مەن قايىڭ اعاشتارىن وتىرعىزۋ راسىمىنە قاتىستى.

«ادىرنا» ۇلتتىق پورتالى

پىكىرلەر